Gürcüstan parlamentinin sədri Azərbaycana səfərə gəlib

Gürcüstan parlamentinin sədri Azərbaycana səfərə gəlib

Gürcüstan parlamentinin sədri David Usupaşvili iyulun 6-da Azərbaycana səfərə gəlib.
AzərTAc xəbər verir ki, Heydər Əliyev Beynəlxalq Aeroportunda qonağı Milli Məclisin sədrinin birinci müavini Ziyafət Əsgərov və digər rəsmi şəxslər qarşılayıblar.
D.Usupaşvili aeroportda jurnalistlərə müsahibəsində bildirib ki, səfərin məqsədi Azərbaycan ilə Gürcüstanın qanunverici orqanları arasında müxtəlif sahələri əhatə edən, o cümlədən iqtisadi və hüquqi sahədə qarşılıqlı əməkdaşlıq məsələlərini ətraflı müzakirə etməkdir.
Səfər çərçivəsində Gürcüstan parlamenti sədrinin Azərbaycan rəsmiləri ilə bir sıra görüşləri nəzərdə tutulub.