İtaliyanın Friuli-Venetsiya-Culiya regionunun Regional Şurasının prezidenti Fəxri xiyabanı və Şəhidlər xiyabanını ziyarət edib

İtaliyanın Friuli-Venetsiya-Culiya regionunun Regional Şurasının prezidenti Fəxri xiyabanı və Şəhidlər xiyabanını ziyarət edib

İtaliya Respublikasının Friuli-Venetsiya-Culiya regionunun Regional Şurasının prezidenti xanım Debora Serakkianinin başçılıq etdiyi nümayəndə heyəti martın 14-də Fəxri xiyabana gələrək xalqımızın Ümummilli lideri, müasir müstəqil Azərbaycan dövlətinin memarı və qurucusu Heydər Əliyevin xatirəsini ehtiramla yad edib, məzarı önünə əklil qoyub.
Görkəmli oftalmoloq alim, akademik Zərifə xanım Əliyevanın da xatirəsi ehtiramla yad edilib, məzarı üstünə tər çiçəklər düzülüb.
Sonra Şəhidlər xiyabanına gələn qonaqlar Azərbaycanın azadlığı və suverenliyi uğrunda mübarizədə canlarından keçmiş qəhrəman Vətən övladlarının xatirəsini ehtiramla yad edib, “Əbədi məşəl” abidəsinin qarşısına əklil qoyublar.