Dünən Yeni Azərbaycan Partiyasının Sədr müavini, İcra katibi Əli Əhmədov ATƏT - in Seçkilərin Müşahidə Missiyasının rəhbəri xanım Odri Qloverin başçılıq etdiyi nümayəndə heyətini qəbul edib. Görüşdə YAP Sədr müavini Əli Əhmədov noyabrın 7 - də keçiriləcək parlament seçkilərinə hazırlıq, seçki prosesinin gedişi, partiya tərəfindən irəli sürülən namizədlər və onların təbliğat - təşviqat kampaniyasının təşkili haqqında məlumat verib. Görüşdə YAP İcra katibinin müavini Mübariz Qurbanlı, ATƏT - in Demokratik Təsisatlar və İnsan Haqları İnstitutunun siyasət üzrə təhlilçisi Marian Qabriel və seçkilər üzrə məsləhətçisi Driu Hyislop iştirak ediblər.