İsrail Dövləti Hökumətinin müraciəti əsasında Azərbaycan Respublikasının Prezidenti İlham Əliyevin tapşırığına uyğun olaraq, bu ölkədə tüğyan edən yanğınların söndürülməsi üçün Fövqəladə Hallar Nazirliyinin “BE-200ÇS” amfibiya tipli təyyarəsinin göndərilməsi istiqamətində hazırlıq işləri başa çatdırılıb. Fövqəladə Hallar Nazirliyinin mətbuat xidmətindən AZƏRTAC-a bildiriblər ki, həmin təyyarə lazımi yanğınsöndürmə avadanlığı ilə birgə noyabrın 25-də günorta saatlarında İsrailə yola düşüb.