Bakı Yunus Emre İnstitutunun təşkilatçılığı ilə daha bir layihə reallaşdırılıb. Belə ki, Bakı Yunus Emre İnstitutu, İzmir Balçova Bələdiyyəsi və Azərbaycan Rəssamlar İttifaqının birgə təşkilatçılığı ilə ərsəyə gələn Bakıdan Balçovaya, Balçovadan Bakıya “Rənglərin Qardaşlığı” layihəsi Balçova Bələdiyyəsi Mədəniyyət Evində həyata keçirilib. Bu barədə verilən məlumatda deyilir ki, layihə çərçivəsində Azərbaycandan olan nümayəndə heyəti Balçova Bələdiyyəsinin rəhbəri Mehmet Əli Çalkaya ilə də görüşüb. Qeyd edək ki, layihə çərçivəsində Azərbaycan və Türkiyədən olmaqla 6 rəssamın hazırladıqları əl işləri 29-31 may tarixlərində Balçova Bələdiyyəsi Mədəniyyət Evinin himayəsi altında sərgilənib.