Lənkəran Regional Ədliyyə İdarəsinin təşkilatçılığı ilə Yardımlıda bələdiyyə üzvləri və qulluqçuları üçün seminar-müşavirə keçirilib.
AZƏRTAC xəbər verir ki, tədbirdə Lənkəran Regional Ədliyyə İdarəsinin məsləhətçisi Aqil Salmanov Ədliyyə Nazirliyi tərəfindən həyata keçirilən islahatlar barədə məlumat verib. O, bələdiyyə üzvlərinin və qulluqçularının maarifləndirilməsinin və onlara metodiki kömək göstərilməsinin daim diqqət mərkəzində saxlanıldığını bildirib.
Seminar-müşavirədə A.Salmanov “Bələdiyyə üzvləri və qulluqçuları tərəfindən etik davranış qaydalarına əməl olunması yerli özünüidarənin rolunu gücləndirir”, “Korrupsiya hüquqpozmalarının qarşısının alınması və bələdiyyələrin fəaliyyətində şəffaflığın artırılması”, “Bələdiyyələrdə kargüzarlığın təşkili” mövzusunda çıxış edib, verilən sualları cavablandırıb.