“Ölkəmizi tanıyaq” devizi ilə keçirilən maarifləndirici tur-aksiyada Quba rayonu Qaraçay kənd tam orta məktəbin X sinif şagirdi Lamiyə Talıbova da iştirak edir.
Təəssüratlarını AZƏRTAC-la bölüşən Quba məktəblisi deyib: “Qəbələ-Şəki-Zaqatala-Qəbələ marşrutu üzrə təşkil olunan ekskursiyamız uğurla keçir. Qrupun üzvlərində yaranan xoş təəssürat uzun zaman unudulmayacaq. Biz gəzinti zamanı istirahət etməklə yanaşı, həm də rayonlarımızın gündən-günə inkişaf etməsinin, gözəlləşməsinin şahidi oluruq”.
“Maarifləndirici tur-aksiya ölkəmizin tarixi məkanları ilə tanış olmaq üçün yaxşı fürsətdir. Bu layihə şagirdlərin hərtərəfli inkişafına, dünyagörüşlərinin daha da zənginləşməsinə böyük töhfə verəcək. Tur-aksiyanın təşkilinə görə dövlətimizin başçısına minnətdarlığımızı bildiririk”, - deyə Lamiyə Talıbova qeyd edib.