Qusarda Xocalı soyqırımının 25-ci ildönümü ilə əlaqədar anım tədbiri keçirilib

Qusarda Xocalı soyqırımının 25-ci ildönümü ilə əlaqədar anım tədbiri keçirilib

Qusar rayon Heydər Əliyev Mərkəzində Xocalı soyqırımının 25-ci ildönümü ilə əlaqədar anım tədbiri keçirilib.
Tədbirdə Qusar rayon İcra Hakimiyyətinin başçısı Şair Alxasov çıxış edərək Xocalı soyqırımı ilə bağlı həqiqətlərin dünya ictimaiyyətinə çatdırılması və bu faciəyə hüquqi-siyasi qiymət verilməsi istiqamətində Ümummilli lider Heydər Əliyevin tarixi xidmətlər göstərdiyini, hazırda bu istiqamətdə ölkə rəhbərliyi tərəfindən məqsədyönlü tədbirlərin həyata keçirildiyini diqqətə çatdırıb.
Tədbirdə rayon Qarabağ Əlillər Cəmiyyətinin sədri Canəli Hörmətov və ağsaqqal Sənan Xəlilov çıxış edərək Xocalı soyqırımından 25 il keçdiyini qeyd edib, həmin gün insan qanına susamış erməni cəlladların Azərbaycanın bu qədim şəhərində soyqırımı törətdiyini, heç bir günahı olmayan yüzlərlə dinc insanı amansızlıqla qətlə yetirdiyini söyləyiblər.
Tədbirin sonunda Xocalı soyqırımına həsr olunmuş xronoloji film nümayiş olunub.
Arif ƏSƏDOV