Avropa Mərkəzçi Demokrat İnternasionalın (MDİ) Prezidenti Andres Pastrananın rəhbərlik etdiyi nümayəndə heyəti Yeni Azərbaycan Partiyasının (YAP) dəvəti ilə Bakıya səfərə gəlib.
Cənab Andres Pastrananı Azərbaycana səfəri çərçivəsində MDİ-nin Baş katibi cənab Antonio Lopez-İsturiz Uayt və baş koordinator Sezar Rossello müşayiət edəcək.
Avropa Mərkəzçi Demokrat İnternasionalın nümayəndə heyətinin fevralın 27-də başlayan səfəri çərçivəsində Azərbaycan Respublikası Baş nazirinin müavini, YAP Sədrinin müavini-İcra katibi Əli Əhmədov ilə görüşü nəzərdə tutulub.
Nümayəndə heyətinin səfər proqramına bir sıra rəsmi görüşlər, Müşviqabad qəsəbəsində məcburi köçkün ailələri ilə görüş, eləcə də Bakının tarixi- mədəni abidələri ilə tanışlıq daxildir.
Avropa Mərkəzçi Demokrat İnternasionalın nümayəndə heyətinin Bakıya səfəri fevralın 28-də başa çatacaq.