“Nizami Gəncəvi Beynəlxalq Mərkəzinin “Cənubi Qafqaz: Regional inkişaf və əməkdaşlıq perspektivləri” mövzusunda keçirdiyi konfransda səsləndirilən fikirlər göstərir ki, müharibədən sonra yaranan yeni reallıq bizdən yeni informasiya siyasəti tələb edir”. Bu fikri Yeni Azərbaycan Partiyası (YAP) Gənclər Birliyinin sədr müavini Fəsli Nəbiyev deyib.
O bildirib ki, bu gün Azərbaycanla Ermənistan arasında informasiya savaşı tarixən heç olmadığı qədər intensiv həyata keçirilir: “İnformasiya savaşında məlumatları keyfiyyətli şəkildə cəmiyyətə, dünya ictimaiyyətinə təqdim etməyin yolu sivil platformalardan keçir. Prezident İlham Əliyev həmin konfransda Azərbaycanın bundan sonra regionda gələcək strategiyasını, gələcək baxışını çatdırdı. İnformasiya siyasətinin yeni reallıqlara uyğunlaşdırılması baxımından Nizami Beynəlxalq Mərkəzinin fəaliyyəti çox mühüm əhəmiyyətə malikdir”.