Naqif Həmzəyev Gəncənin Gülüstan qəsəbəsinin sakinləri ilə görüşüb

Naqif Həmzəyev Gəncənin Gülüstan qəsəbəsinin sakinləri ilə görüşüb

9 fevralda keçiriləcək Milli Məclisə seçkilərin təbliğat-təşviqat kampaniyası çərçivəsində 38 saylı Nizami ikinci (Gəncə) seçki dairəsi üzrə Yeni Azərbaycan Partiyasının (YAP) deputatlığa namizədi Naqif Həmzəyev Gəncənin Gülüstan qəsəbəsinin sakinləri ilə görüşüb.
Böyük ruh yüksəkliyi ilə keçən görüşlərdə Naqif Həmzəyev seçicilərə Prezident İlham Əliyevin məqsədyönlü siyasətindən, eləcə də ölkədə aparılan kadr, iqtisadi-siyasi islahatlardan danışıb. V çağırış Azərbaycan Respublikasının Milli Məclisinin deputatı kimi fəaliyyət göstərdiyi müddət ərzində öhdəsinə düşən vəzifəni layiqincə yerinə yetirməyə çalışdığını qeyd edən Naqif Həmzəyev yenidən ona etimad göstərilərsə, daha böyük qüvvə ilə çalışacağını, seçicilərinin etimadını şərəflə doğruldacağını bildirib.
Naqif Həmzəyev seçiciləri maraqlandıran sualları cavablandırıb, onları narahat edən problemlərlə bağlı aidiyyəti qurumlar qarşısında məsələ qaldıracağını bildirib.