Yeni Azərbaycan Partiyası (YAP) Hacıqabul rayon təşkilatı və Hacıqabul rayon Gənclər və İdman İdarəsinin birgə təşkilatçılığı ilə son günlər COVID-19 infeksiyasına yoluxma sayının artması ilə bağlı maarifləndirmə aksiyası keçirilib. Aksiya zamanı YAP Hacıqabul rayon təşkilatının fəalları, gənclər koronavirus pandemiyasına qarşı aparılan vaksinasiya prosesinin vacibliyi ilə bağlı sakinlər arasında söhbətlər aparıblar. Bir daha vurğulanıb ki, vətəndaşların vaksinasiyaya fəal şəkildə qoşulmaları və tibbi-gigiyenik qaydalara riayət etmələri yoluxma sayının artmasının qarşısını ala biləcək effektiv vasitələrdir. Aksiyada iştirak edən partiya fəalları bir sıra ərazilərdə plakatlar asıb, bukletlər paylayıblar.