Yeni Azərbaycan Partiyası (YAP) Sumqayıt şəhər təşkilatının üzvləri Vətən müharibəsi zamanı şəxsi heyətin mənəvi-psixoloji ruhunun yüksəldilməsi istiqamətində əldə etdikləri nailiyyətlərə görə mükafatlandırılıblar.
YAP İdarə Heyətinin üzvü, partiya şəhər təşkilatının sədri Ramiz Hüseynov və YAP Sumqayıt şəhər təşkilatı Gənclər Birliyinin sədr müavini Emin Əliyev N saylı hərbi hissənin rəhbərliyi tərəfindən Fəxri fərmanla təltif olunublar. Fəxri fərmanı YAP Sumqayıt şəhər təşkilatının üzvlərinə Vətən müharibəsi qazisi, “Azərbaycan Bayrağı” ordenli Zahir Həsənov təqdim edib.