Yeni Azərbaycan Partiyası (YAP) Tovuz rayon təşkilatında ərazi ilk partiya təşkilatlarının sədrləri ilə videokonfrans formatında tədbir keçirilib. Tədbirdə çıxış edən rayon təşkilatının sədri Məzahir Bayramov bu il 12-16 iyul tarixlərində erməni təxribatı nəticəsində dövlət sərhədinin Tovuz rayonu istiqamətində gedən döyüşlərdə ordumuzun növbəti dəfə düşmən ordusuna sarsıdıcı zərbə vuraraq geri oturtmasından, ordu-xalq birliyinin əhəmiyyətindən ətraflı bəhs edib.
M.Bayramov bildirib ki, hadisələr zamanı Tovuzun əhalisi bütövlükdə böyük həmrəylik və vətəndaş məsuliyyəti nümayiş etdirdi: “Prezidentimizin gördüyü işlər, torpaqlarımızın işğaldan azad olunması, müstəqilliyimizin daha da möhkəmləndirilməsi, milli maraqlarımızın etibarlı müdafiəsi yolunda göstərdiyi qətiyyət insanlarımıza güc verir, onları daim səfərbərlik ruhunda saxlayır”.
M.Bayramov, eyni zamanda, qarşıda duran vəzifələri ərazi təşkilat sədrlərinin diqqətinə çatdırıb.