Müstəqil Ordumuzun Memarı: Heydər Əliyev və Milli Hərbi Kadr Siyasəti

Bakı:

26 °C

63 %

2 m/s

Əlaqə

AZ RU EN

Ana səhifə / Arxiv / Müstəqil Ordumuzun Memarı: Heydər Əliyev və Milli Hərbi Kadr Siyasəti

Müstəqil Ordumuzun Memarı: Heydər Əliyev və Milli Hərbi Kadr Siyasəti

22.06.2026 [23:05]

26 İyun – Azərbaycan Respublikası Silahlı Qüvvələri Günü ölkəmizin gələcəyini, müstəqilliyini və suverenliyini təmin edən qüdrətli ordumuzun şərəf günüdür. Bu gün Azərbaycan Ordusu regionun ən güclü, dünyada isə sayılan hərbi qüvvələrindən biridir. Lakin bu möhtəşəm uğurun və Zəfər yürüşünün təməlləri onilliklər əvvəl, xüsusən də 1969-cu ildə Ulu Öndər Heydər Əliyevin hakimiyyətə gəlişindən sonra atılmışdır.

1920-ci ildə sovet hakimiyyəti qurulduqdan sonra öz ordusundan məhrum olan Azərbaycan xalqı Böyük Vətən müharibəsi illərində qəhrəmanlıqla vuruşaraq, minlərlə qurban verərək, Həzi Aslanov kimi böyük hərbi sərkərdələr yetirsə də, sovet ordusunda azərbaycanlı yüksək rütbəli zabitlərin olmaması Heydər Əliyevin qəlbini bir vətəndaş kimi ağrıdırdı. Ulu Öndər Moskvanın etdiyi etirazlara baxmayaraq, Cəmşid Naxçıvanski adına hərbi liseyi yaratmış Azərbaycanın gələcək hərbi kadrları üçün güclü mənbəyə çevirə bilmiş və 44 günlük Vətən Müharibəsində Azərbaycanın ərazi bütövlüyünü təmin etməsində Heydər Əliyevin necə uzaqgörən rəhbər olduğunu sübut etmişdir.

1993-cü ildə Ulu Öndər xalqın təkidli tələbi ilə yenidən hakimiyyətə qayıdanda ölkə idarəolunmaz vəziyyətdə idi, orduda vahid komandanlıq yox idi və torpaqlarımız işğal olunurdu.Heydər Əliyev qısa müddətdə dağınıq qüvvələri birləşdirərək nizami ordu quruculuğuna başladı. Onun hələ 1970-ci illərdə yetişdirdiyi hərbi kadrlar bu prosesdə ön cəbhəyə keçdilər. Məhz həmin peşəkar zabitlər ordunun idarə olunmasını, hərbi intizamı və döyüş qabiliyyətini bərpa etdilər.Heydər Əliyevin hərbi təhsil və kadr sahəsində qoyduğu miras bu gün Azərbaycan Respublikasının Prezidenti, Müzəffər Ali Baş Komandan İlham Əliyev tərəfindən ən müasir standartlara uyğun olaraq inkişaf etdirilir.

2020-ci ildə 44 günlük Vətən Müharibəsində qazanılan tarixi Şanlı Zəfər və 2023-cü ilin antiterror tədbirləri Azərbaycan Silahlı Qüvvələrinin gücünü bütün dünyaya sübut etdi. Bu qələbələri qazanan generalların, polkovniklərin və komandirlərin böyük əksəriyyəti məhz Ulu Öndərin vaxtilə əsasını qoyduğu hərbi məktəbin yetirmələri və onların davamçıları idi.

26 İyun Silahlı Qüvvələr Gününü qeyd edərkən, biz ordumuzun qüdrəti ilə fəxr etməklə yanaşı, bu qüdrətin memarı olan Ulu Öndər Heydər Əliyevin uzaqgörən milli hərbi kadr siyasətini dərin ehtiramla yad edirik.

Nicat Ələkbərov

YAP Şahbuz rayon təşkilatının sədr müavini

Paylaş:

Baxılıb: 318 dəfə