Ağcabədidə Azərbaycan Respublikasının Silahlı Qüvvələri Gününə həsr olunmuş tədbir keçirilib

Bakı:

24 °C

77 %

11 m/s

Əlaqə

AZ RU EN

Ana səhifə / Arxiv / Ağcabədidə Azərbaycan Respublikasının Silahlı Qüvvələri Gününə həsr olunmuş tədbir keçirilib

Ağcabədidə Azərbaycan Respublikasının Silahlı Qüvvələri Gününə həsr olunmuş tədbir keçirilib

29.06.2026 [12:03]

İyun ayının 25-də Yeni Azərbaycan Partiyası Ağcabədi rayon təşkilatı, SHXÇDX-nin Ağcabədi rayon şöbəsinin, Ağcabədi “ASAN xidmət” mərkəzinin birgə təşkilatçılığı ilə “Şəhərsalma və Memarlıq İli” çərçivəsində Azərbaycan Respublikasının Silahlı Qüvvələri Günü münasibətilə “Azərbaycan Ordusu suverenliyimizin və ərazi bütövlüyümüzün qarantıdır” mövzusunda Ağcabədi “ASAN xidmət” mərkəzinin iclas zalında tədbir təşkil etmişdir.

Tədbir iştirakçılarının bir qrupu müasir müstəqil Azərbaycan dövlətinin memarı və qurucusu Ulu Öndər Heydər Əliyevin rayon mərkəzində ucalan abidəsi önünə gül dəstələri qoyaraq dahi şəxsiyyətin əziz xatirəsini dərin ehtiramla yad ediblər.

Daha sonra tədbir iştirakçıları Ağcabədi Qəhrəmanlar Parkında şəhidlərin məzarı üzərinə tər çiçəklər düzərək onların xatirəsini yad etdilər.

Tədbirdə YAP fəalları, qazi və veteranlar, şəhid ailələrinin üzvləri, “N” saylı hərbi hissənin hərbçiləri, “ASAN Xidmət” mərkəzinin əməkdaşları iştirak etmişlər.

Tədbir açıq elan edildikdən sonra Azərbaycan Respublikasının Dövlət Himni səsləndirilmişdir.

Ümummilli Lider Heydər Əliyevin və Azərbaycan Respublikasının azadlığı və ərazi bütövlüyü uğrunda canlarını fəda etmiş şəhidlərin xatirəsi 1 dəqiqəlik sükutla yad edilmişdir.

Daha sonra Qəhrəman Azərbaycan Ordusuna həsr edilmiş film nümayiş etdirilmişdir.

Tədbirdə məruzə ilə çıxış edən YAP Ağcabədi rayon təşkilatının sədr müavini Nazim Bünyatov qeyd etdi ki, əsası Azərbaycan Xalq Cümhuriyyəti dövründə qoyulmuş Azərbaycan Ordusunun ənənələri Ümummilli Liderimiz Heydər Əliyevin ciddi səyləri nəticəsində qorunub saxlanılmış və inkişaf etdirilmişdir. Əbədiyaşar Lider Heydər Əliyevin rəhbərliyi ilə ordu quruculuğu sahəsində aparılan işlər ölkəmizdə mütəşəkkil, qüdrətli ordu yaratmağa imkan verdi, onun gələcəkdə daha da möhkəmlənməsi üçün əsaslı zəmin yaratdı.

Tədbirdə çıxış edən SHXÇDX-nin Ağcabədi rayon şöbəsinin rəis müavini, polkovnik leytenant Elçin Hüseynov, Ağcabədi “ASAN Xidmət” mərkəzinin hüquq sektorunun müdiri Rafiz İbrahimov, Şəhid Ömər Rəhimlinin atası Rəşad Rəhimov, Ağcabədi RİH-nin aparıcı məsləhətçisi İlahə Qasımova çıxış edərək vurğuladılar ki, Azərbaycanın uğurları arxasında dövlətimizin iqtisadi, diplomatik, geosiyasi nailiyyətləri ilə yanaşı, qəhrəman Azərbaycan Ordusunun gücü və əzəməti dayanır.

Tədbirdə Vətən müharibəsi iştirakçılarının, “N” saylı hərbi hissənin hərbçilərinin, ümumtəhsil məktəblərinin hərbi rəhbərlərinin bir qrupuna Azərbaycan Respublikasının Silahlı Qüvvələri günü münasibətilə YAP Ağcabədi rayon təşkilatı tərəfindən Fəxri Fərmanlar təqdim edildi.

YAP Ağcabədi rayon təşkilatının sədri Rövşən Əhmədov yekun olaraq tədbirdə iştirak edən hərbiçi, qazi və şəhid ailələrinin üzvlərini silahlı qüvvələr günü münasibətilə təbrik etdi və eyni zamanda vurğuladı ki, Ulu Öndərin ordu quruculuğu siyasətini uğurla davam və inkişaf etdirən Ölkə Prezidenti, Ali Baş Komandan cənab İlham Əliyevin diqqət və qayğısı sayəsində hərbçilərin peşəkarlığının artırılması, şəxsi heyətin döyüş ruhunun və mənəvi-psixoloji hazırlığının yüksəldilməsi, Silahlı Qüvvələrimizin ən müasir silah və texnika ilə təchizatı daim ön planda saxlanılır. Məhz cənab İlham Əliyevin bu ali diqqət və qayğısı sayəsində Azərbaycan Silahlı Qüvvələri qısa müddətdə regionun ən qüdrətli ordusuna çevrilmişdir.

Tədbir Yeni Azərbaycan Partiyasının Himninin səslənməsi ilə başa çatmışdır.

Sonda tədbir iştirakçıları “ASAN Xidmət” mərkəzinin foyesində xatirə şəkili çəkdirdilər.

Paylaş:

Baxılıb: 128 dəfə