Zahid Orucla bağlı məsələnin komandadaxili qarşıdurma kimi qiymətləndirilməsi tam uydurmadır

Bakı:

25 °C

64 %

10 m/s

AZ RU EN

Ana səhifə / Daxili siyasət / Zahid Orucla bağlı məsələnin komandadaxili qarşıdurma kimi qiymətləndirilməsi tam uydurmadır

Zahid Orucla bağlı məsələnin komandadaxili qarşıdurma kimi qiymətləndirilməsi tam uydurmadır

17.08.2013 [13:38]

“Hakimiyyət daxilində çat var” deyən adamlar 20 ildir ki, bu çat ümidi ilə yaşayırlar və 20 ildir ki, hakimiyyət komandası daxilindəki qarşıdurmadan, müxtəlif problemlərdən yazaraq, bunu arzulayırlar”. Bunu Gün.Az-a açıqlamasında Yeni Azərbaycan Partiyası (YAP) İcra katibinin müavini, millət vəkili Mübariz Qurbanlı sosial şəbəkələrdə və müxalifət mətbuatında deputat Zahid Orucun prezidentliyə namizədliyini irəli sürməsinin hakimiyyət daxilində çat baş verməsi kimi dəyərləndirilməsinə münasibətini bildirərkən dilə gətirib.
“Amma bunlar sadəcə, arzulaya bilərlər” - deyən M.Qurbanlının sözlərinə görə, reallıq isə bundan ibarətdir ki, Prezident İlham Əliyevin komandasında komandadaxili hansısa bir problem yoxdur: “Komanda nədir? Komanda müəyyən konsepsiyaya söykənən siyasət və onun həyata keçirilməsidir. Komanda həmin siyasəti həyata keçirən komandanın seçdiyi strateji xəttə ardıcıl əməl etmək deməkdir. Dünyanın hər yerində də belədir. Əgər kimsə həmin strateji xətti həyata keçirən liderin siyasəti ilə razı olmursa, istefaya gedir. Bu gün isə Prezident İlham Əliyevin həyata keçirdiyi siyasət milli maraqlara söykənir və bu siyasətin reallaşmasında iştirak edən şəxslər aşağıdan yuxarıya qədər bu siyasəti qəbul edib, onu reallaşdıran şəxslərdir. Ona görə də komandada çat, qarşıdurma və sair kimi anlayışların hamısı radikalların uydurmasıdır”.
M.Qurbanlı onu da deyib ki, zaman-zaman dövlət idarəçiliyində kadr dəyişiklikləri olur, olmalıdır, amma əsas xətdir, bu xətt isə dəyişməz olaraq qalır: “Yeni Azərbaycan Partiyası deputat sayının tərkibinə görə parlamentdə olan partiyalardan birincisidir. Parlamentdə digər partiyalar da var. Amma bu partiyaların bəziləri Yeni Azərbaycan Partiyası ilə həmrəyliyini müxtəlif istiqamətlərdə nümayiş etdirir. Bu da təbii hadisədir. Siyasi bir partiyanın başqa xətlə getməsi mümkündür, amma bəzi məqamlarda üst-üstə düşən siyasətin həyata keçirildiyi də mümkündür. Ona görə parlamentdə Yeni Azərbaycan Partiyası ilə həmrəy olan, Prezident İlham Əliyevin siyasətini müdafiə edən partiyalardan biri də Ana Vətən Partiyasıdır. Ana Vətən Partiyası da qurultay keçirərək, prezidentliyə namizəd kimi Yeni Azərbaycan Partiyasının Sədri cənab İlham Əliyevi müdafiə etdiyini bəyan edib. Rəsmi qaydada isə bütövlükdə Mərkəzi Seçki Komissiyasında cənab İlham Əliyev rəsmən Yeni Azərbaycan Partiyasının namizədidir. Amma digər ictimai qurumlar, siyasi partiyalar namizədin müdafiəsi istiqamətində qərarlar qəbul edə bilər və ediblər də...”
Millət vəkilinin dediyinə görə, Ana Vətən Partiyasının (AVP) digər bir üzvünün, millət vəkili Z.Orucun öz təşkilatından fərqli qərar qəbul etməsi, öz namizədliyini irəli sürməsi də onlara aid olan məsələ deyil: “Mətbuatda da qeyd etdiyim kimi, bu, Zahid Orucun şəxsi təşəbbüsüdür və biz də onu normal qarşılayırıq. Bu məsələyə qarışa bilmərik. Bu məsələ Zahid Orucla AVP arasında çözülməlidir və mətbuatdan bəlli olduğu kimi, artıq həll edilib. Yəni, Zahid Oruc AVP sıralarından çıxarılıb. Ona görə bir daha əvvəlki fikirlərimə qayıdaraq qeyd edirəm ki, radikalların bu məsələni hakimiyyət, komandadaxili çat, qarşıdurma kimi qiymətləndirməsi əsassız və uydurmadır”.

Paylaş:

Baxılıb: 2046 dəfə