Ümumdünya Ərzaq Proqramı: Yaxın Şərq müharibəsi təqribən 45 milyon insan üçün aclıq riski yaradır

Bakı:

13 °C

82 %

7 m/s

Əlaqə

AZ RU EN

Ana səhifə / Dünya / Ümumdünya Ərzaq Proqramı: Yaxın Şərq müharibəsi təqribən 45 milyon insan üçün aclıq riski yaradır

Ümumdünya Ərzaq Proqramı: Yaxın Şərq müharibəsi təqribən 45 milyon insan üçün aclıq riski yaradır

18.03.2026 [17:49]

BMT-nin Ümumdünya Ərzaq Proqramı (ÜƏP) çərşənbə axşamı xəbərdarlıq edib ki, Yaxın Şərq müharibəsi COVID-dən bəri həyat qurtaran humanitar işlərdə ən böyük pozuntuya səbəb ola bilər.

AZƏRTAC təşkilatın məlumatına istinadla xəbər verir ki, BMT-nin Baş katibi Antonio Quterreşin ofisi tərəfindən verilən acılamada deyilir: “Yaxın Şərq münaqişəsinin sona çatması ilə bağlı Təhlükəsizlik Şurasının bütün qətnamələri, o cümlədən İranın qonşu dövlətlərə hücumlarına son qoyulmasını tələb edən 2817 saylı qətnamə yerinə yetirilməlidir”.

ÜƏP-in icraçı direktorunun müavini Karl Skau Cenevrədə jurnalistlərə bildirib: “Münaqişə qlobal humanitar əməliyyatlara da ciddi mənfi təsirlər göstərib; biz bunun ağrısını həqiqətən hiss edirik. Təchizat zəncirlərimiz həqiqətən də 2022-ci ildə COVID və Ukrayna müharibəsindən bəri ən ciddi pozuntunun astanasında ola bilər”.

O əlavə edib ki, Yaxın Şərqdə artan zorakılıq davam etdikcə, yardım əməliyyatları daha uzun çatdırılma müddətindən və xərclərin artmasından əziyyət çəkir. Bu, İsrail və ABŞ-nin İranı bombalaması, Tehran və müttəfiq qrupların cavab hücumları ilə əlaqədardır. Davam edən hərbi əməliyyatlar, cümlədən İranın Körfəz dövlətlərinə qarşı əks-hücumları və İsrailin Livandakı Hizbullah hədəflərinə hücumları fonunda ÜƏP-in çatdırılma xərcləri 18 faiz artıb və hər gün yollarda minlərlə yük maşını var. “Bu nəqliyyat vasitələri indi neft qiymətləri səbəbindən daha bahalı yanacaqla işləyir”, -deyə Skau vurğulayıb.

ÜƏP bildirib ki, digər əsas narahatlıq Saharaaltı Afrikanın əkin mövsümünə qədəm qoyduğu bir vaxtda qlobal gübrə bazarlarının pozulması ilə bağlıdır. Dünya gübrə tədarükünün dörddəbiri Hörmüz boğazından keçir və hazırda faktiki olaraq dayanıb. Qlobal ərzaq və yanacaq qiymətlərinin kəskin artması milyonlarla ailəni, xüsusən də idxaldan asılı ölkələrdə, məsələn, Saharaaltı Afrika və Asiyadakı insanları əsas qidalardan məhrum edə bilər.

BMT-nin yardım rəsmisi İmran Rza Cenevrədə jurnalistlərə bildirib ki, hava nəqliyyatının pozulmasının humanitar təsirləri münaqişənin mərkəzlərindən biri olan Livanda kəskin şəkildə hiss olunmaqda davam edir. O qeyd edib: “2024-cü ildəki İsrail-Livan münaqişəsi zamanı biz Körfəz dövlətlərindən - Səudiyyə Ərəbistanı, Qətər, BƏƏ, Oman, Küveyt və Bəhreyndən inanılmaz miqdarda yardım alırdıq. İndi bunların heç biri baş vermir. Hava körpüsü artıq yoxdur”.

Paylaş:

Baxılıb: 298 dəfə