Güləşçimiz Universiadada qızıl medal qazanıb

Bakı:

14 °C

67 %

7 m/s

Əlaqə

AZ RU EN

Ana səhifə / İdman / Güləşçimiz Universiadada qızıl medal qazanıb

Güləşçimiz Universiadada qızıl medal qazanıb

17.07.2013 [12:42]

Azərbaycan millisi Kazan Universiadasının medal sıralamasında 170 ölkə arasında 14-cü yerdədir
Kazanda Dünya Universiadasında idmançılar yunan-Roma güləşi üzrə ilk mükafat dəstləri uğrunda mübarizə aparıblar. Azərbaycan yığmasının dörd nümayəndəsi xalça üzərinə çıxıb. Eldəniz Əzizli (55 kq) ilk döyüşdə braziliyalı Rafael Kamaroya qalib gəlib - 4:0. Sonra Qırğızıstan nümayəndəsi Eldiyar Beqaliyevi 3:1 hesabı ilə məğlub edən Əzizli yarımfinalda ev sahibi İvan Tatarinova 1:3 hesabı ilə məğlub olub, daha sonra bürünc medal uğrunda mübarizədə Türkiyə nümayəndəsi Fərhat Təkin ilə qarşılaşıb. Bu döyüş Eldənizin qələbəsi ilə (4:1) başa çatıb və həmyerlimiz üçüncü yeri tutub. Rəsul Çunayev (66 kq) ilk görüşdə almaniyalı Toni Stademi 4:0 hesabı ilə məğlub edib. Rəsulun növbəti rəqibi polyak Qjeqoj Vanke də eyni hesabla məğlub olub. Dörddəbir finalda türkiyəli Məhəmməd Kocatınaza 4:0 hesabı ilə qalib gələn Rəsul yarımfinalda iranlı Afşin Biyabangərdə 3:1 hesabı ilə qalib gələrək finala çıxıb. O, final döyüşündə xalça sahibi İslambek Albiyevi 4:0 hesabı ilə məğlub edib. Beləliklə, Çunayev Azərbaycan yığmasına universiadanın dördüncü qızıl medalını qazandırıb. Fuad Əliyev ilk döyüşdə Gürcüstan nümayəndəsi Beki Rokvaya 0:5 hesabı ilə uduzub. Rokva dörddəbir finalda uduzduğuna görə Əliyev təsəlli döyüşlərində iştirak edə bilməyib. Abbas Abdullayev (120 kq) ilk döyüşdə Estoniya nümayəndəsi Karel Maatenə 4:1 hesabı ilə qalib gəlib, lakin növbəti döyüşdə macar Balint Lama 0:3 hesabı ilə uduzub. Növbəti dövrədə Balint Lam məğlub olduğu üçün Abdullayev təsəlli döyüşlərində çıxış etmək şansını itirib. Qeyd edək ki, hesabında 4 qızıl, 4 gümüş və 7 bürünc medal olan Azərbaycan millisi 170 ölkə arasında 14-cü pillədə qərarlaşıb. Bu göstərici ilə Azərbaycan Macarıstan, İtaliya, Meksika, Niderland, Argentina, Ermənistan, Yeni Zelandiya və s. ölkələri qabaqlayır.
Qeyd edək ki, milli komandamızın heyətində ağırlıqqaldıranlarımız Firudin Quliyev, 5000 metr məsafəyə qaçış yarışlarında Hayle İbrahimov və güləşçilərimiz Yuliya Ratkeviç, Rəsul Cunayev qızıl, Kristina İova, kəmər güləşi yarışlarında çıxış etmiş Ülviyyə Kərimova, güləşçilərimiz Cəbrayıl Həsənov, Patimat Baqamedova gümüş medala sahib olublar. Cüdoçumuz Məmmədəli Mehdiyev, güləşçilərimiz İrina Netrebi, Hacı Əliyev, Eldəniz Əzizli, samboçularımız Ağasif Səmədov, Emin Həsənov, İslam Qasımov Universiadanı üçüncü pillədə başa vurublar.
Medal hesabında Universiadaya Rusiya liderliyini davam etdirir. Meydan sahiblərinin aktivində 250 medal (126-67-57) var. Çin Xalq Respublikası 67 medalla (23-26-18) ikinci, Yaponiya isə 70 medalla (20-22-28) üçüncüdür.

Paylaş:

Baxılıb: 1657 dəfə