“Bakı-2015” Avropa Oyunları Əməliyyat Komitəsi ilə “Procter&Gamble” şirkəti arasında tərəfdaşlıq müqaviləsi imzalanıb

Bakı:

3 °C

87 %

9 m/s

AZ RU EN

Ana səhifə / İdman / “Bakı-2015” Avropa Oyunları Əməliyyat Komitəsi ilə “Procter&Gamble” şirkəti arasında tərəfdaşlıq müqaviləsi imzalanıb

“Bakı-2015” Avropa Oyunları Əməliyyat Komitəsi ilə “Procter&Gamble” şirkəti arasında tərəfdaşlıq müqaviləsi imzalanıb

22.05.2014 [09:01]

Mayın 21-də “Fairmont Baku” mehmanxanasında “Bakı-2015” Avropa Oyunları Əməliyyat Komitəsi (BEGOC) ilə “Procter&Gamble” (P&G) şirkəti arasında tərəfdaşlıq müqaviləsinin imzalanması mərasimi keçirilib.
AzərTAc xəbər verir ki, əvvəlcə Azərbaycanın turizm potensialı və “Bakı-2015”ə hazırlıqla bağlı hazırlanmış videoçarx nümayiş olunub.
Mərasimdə çıxış edən Avropa Oyunları Əməliyyat Komitəsinin baş icraçı direktoru, Azərbaycan Respublikasının gənclər və idman naziri Azad Rəhimov Avropa Oyunlarına hazırlığın yüksək səviyyədə getdiyini diqqətə çatdırıb: “Avropa Oyunlarının birinci rəsmi tərəfdaşı kimi “P&G” şirkətini alqışlayıram. Ümid edirəm ki, bu əməkdaşlıq ümumi işimizə öz töhfəsini verəcək və hər iki tərəf üçün uğurlu olacaq”.
A.Rəhimov qeyd edib ki, gələn həftə Kiprin paytaxtı Nikosiyada Avropa Olimpiya Komitəsinin toplantısı keçiriləcək. Həmin tədbirdə “Bakı-2015” ilə bağlı təqdimat olacaq. İştirakçılara Avropa Oyunlarına hazırlıq və idman infrastrukturu ilə bağlı məlumat veriləcək.
Yaxın günlərdə ölkəmizdə Avropa Oyunlarına iki hazırlıq turnirinin keçiriləcəyini diqqətə çatdıran A.Rəhimov, atletika və bədii gimnastika üzrə təşkil olunacaq yarışların əhəmiyyətindən danışıb.
Avropa Oyunları Əməliyyat Komitəsinin kommersiya məsələləri üzrə direktoru Çarli Vijeratna müqavilənin əhəmiyyətini yüksək qiymətləndirib. Qeyd edib ki, P&G-nin idman yarışlarına sponsorluq etmək baxımından böyük təcrübəsi var. Beynəlxalq Olimpiya Komitəsi ilə tərəfdaş olan şirkətin “Bakı-2015” ilə əməkdaşlığı bu mötəbər yarışın təşviqinə öz töhfəsini verəcək.
Ölkəmizin satış bazarında P&G-nin özünə məxsus çəkisinin olduğunu diqqətə çatdıran Ç.Vijeratna, bu əməkdaşlıq sayəsində “Bakı-2015”in bölgələrdə daha da populyarlaşmasına şərait yaradacaq.
P&G-nin Azərbaycan nümayəndəliyinin direktoru Tayqun Günay əməkdaşlıqdan məmnunluğunu ifadə edib. Şirkətin yaranma tarixi və fəaliyyətindən bəhs T.Günay şirkətin Azərbaycanda həyata keçirdiyi sosial yönümlü layihələr barədə məlumat verib və videoçarx nümayiş olunub.
Sonra Azad Rəhimov və Tayqun Gunay tərəfdaşlıq müqaviləsini imzalayıblar.
Sonda üzərində “Bakı-2015”in loqotipi olan tort kəsilib.

Paylaş:

Baxılıb: 1164 dəfə