Ümummilli lider Heydər Əliyevin xatirəsinə həsr olunmuş dama turniri başa çatdı

Bakı:

2 °C

93 %

12 m/s

Əlaqə

AZ RU EN

Ana səhifə / İdman / Ümummilli lider Heydər Əliyevin xatirəsinə həsr olunmuş dama turniri başa çatdı

Ümummilli lider Heydər Əliyevin xatirəsinə həsr olunmuş dama turniri başa çatdı

05.05.2009 [14:12]

“Yeni Azərbaycan” qəzetinin təşkil etdiyi yarışda müxtəlif media qurumlarını təmsil edən 48 jurnalist mübarizə aparıb
ümummilli lider Heydər Əliyevin anadan olmasının 86-cı ildönümü münasibətilə media təmsilçiləri arasında keçirilən dama turniri başa çatıb. “Yeni Azərbaycan” qəzetinin təşkilatçılığı ilə baş tutan yarışın açılış mərasimində çıxış edən qəzetin baş redaktoru Hikmət Babaoğlu ulu öndərin doğum gününə həsr edilən turnirin böyük əhəmiyyət daşıdığını vurğulayıb. Baş redaktor respublikamızda idmana göstərilən diqqət və qayğıdan, ölkədə idmanın bütün sahələrində gedən sürətli inkişafından söz açıb. ümummilli lider Heydər Əliyevin dünyanın ən böyük intellektlərindən, zəka sahiblərindən biri olduğunu bildirən baş redaktor bu intellektual yarışın Onun adı ilə bağlı olmasının vacibliyini qeyd edib. Hikmət Babaoğlu çıxışında ölkəmizdə bütün sahələrdə mühaşidə olunan inkişafdan söz açaraq idmanın bu sahələr içində öndə olduğunu vurğulayıb. Onun sözlərinə görə, ölkə idmanı, xüsusilə, son illərdə böyük inkişaf yolu keçib ki, bunun da nəticəsində Azərbaycan dünyada idman ölkəsi kimi tanınır. Baş redaktor bildirib ki, Azərbaycanda dama həmişə populyar idman növü olub. Hazırda da Dama Federasiyası idmanın bu növünün inkişafı ilə bağlı xüsusi tədbirlər həyata keçirir.
Daha sonra çıxış edən Dama Federasiyasının prezidenti Vaqif Mustafayev bildirib ki, turnirin ümummilli liderin doğum günü münasibətilə təşkil edilməsi çox mühüm əhəmiyyət kəsb edir. Belə ki, qalib gələn media nümayəndəsi məhz ümummilli liderin xatirəsinə həsr edilən turnirdə qələbə qazanması ilə həmişə fəxr edəcək. Federasiya rəhbəri onu da qeyd edib ki, bu günlərdə Azərbaycan damaçıları Avropa çempionatında uğurla çıxış edərək ölkəmizin aktivinə medallar yazdırıblar.
Dama Federasiyasının vitse-prezidenti, Bakı Metropolitenin rəisi Tağı Əhmədov isə çıxışında bildirib ki, ümummilli liderin xatirəsinə həsr edilən turnirin qalibi olmaq dünya və Avropa çempionu olmaqdan daha üstündür. T.Əhmədov qeyd edib ki, son vaxtlara qədər dama yarışı digər idman növlərimizlə müqayisədə bir qədər kölgədə qalmışdı. Amma artıq bu vəziyyət dəyişib və dama yarışı da populyarlıq qazanmağa başlayıb.
Daha sonra turnirin baş hakimi Eldar Əliyev qısa olaraq qaydalarla bağlı məlumat verib və bununla da turnirə start verilib. Müxtəlif KİV orqanlarının 48 nümayəndəsi qalib adı uğrunda mübarizəyə qoşulublar. Olimpiya sistemi ilə keçirilən yarışda növbəti mərhələyə vəsiqə qazanan 24 nümayəndə püşkə uyğun olaraq mübarizəni davam etdiriblər. Qalib olan 12 iştirakçı püşklə iki qrupa bölünərək dairəvi sistemlə qalibi müəyyən etmək üçün mübarizə aparıb.
Qruplarını ilk sırada tamamlayan AzTV-nin əməkdaşı Siyavuş Əliyev və “Space”in təmsilçisi Elman Şirbağırov finalda mübarizə aparmaq hüququ qazanıblar. İTV-nin əməkdaşı Nicat Qayıbovla “Olaylar”dan Elman Cəfərlinin 3-cü yer uğrunda mübarizəsindən televiziya əməkdaşı qalib ayrılıb. Birinci və üçüncü yer uğrunda görüşlər eyni vaxtda başladı. Maraqlıdır ki, final oyunu başa çatsa da, 3-cü yer uğrunda oyun hələ davam edirdi. Yəni, üçüncü yer uğrunda oyun daha dramatik şəkildə gedirdi. Nə televiziyaçı Nicat, nə də “Olaylar”dan Elman Cəfərli təslim olmaq fikrində deyildi. Onların arasında keçirilən ilk oyun heç-heçə başa çatdı. İkinci oyunda da tərəflər qalibi müəyyən edə bilmədilər. Nəhayət, üçüncü oyunda İTV-nin əməkdaşı qalib gələrək turniri üçüncü pillədə başa vurmasını rəsmiləşdirdi. Final oyununda isə AzTV-nin əməkdaşı Siyavuş Əliyev “Srace”in təmsilçisi Elman Şirbağırovu ilk oyunda məğlub etməklə artıq böyük üstünlük əldə etmişdi. İkinci oyun heç-heçə başa çatdığından AzTV-nin əməkdaşı turnirin qalibi oldu.

Paylaş:

Baxılıb: 1521 dəfə