Avropa İttifaqı ilə daha bir sahədə əməkdaşlıq

Bakı:

19 °C

63 %

2 m/s

Əlaqə

AZ RU EN

Ana səhifə / İqtisadiyyat / Avropa İttifaqı ilə daha bir sahədə əməkdaşlıq

Avropa İttifaqı ilə daha bir sahədə əməkdaşlıq

24.10.2012 [01:01]

Bakıda “Torpağın Avropa İttifaqının qiymətləndirmə standartlarına uyğun olaraq bonitirovkası və iqtisadi qiymətləndirilməsi qaydalarının təkmilləşdirilməsi ilə dövlət torpaq kadastrı məlumatlarının müasir qeydiyyatı sisteminin yaradılması sahəsində Azərbaycan Respublikasının Dövlət Torpaq və Xəritəçəkmə Komitəsinə dəstək” adlı tədbir keçirilib
Dünən Bakıda Tvinninq layihəsi çərçivəsində “Torpağın Avropa İttifaqının (Aİ) qiymətləndirmə standartlarına uyğun olaraq bonitirovkası və iqtisadi qiymətləndirilməsi qaydalarının təkmilləşdirilməsi ilə dövlət torpaq kadastrı məlumatlarının müasir qeydiyyatı sisteminin yaradılması sahəsində Azərbaycan Respublikasının Dövlət Torpaq və Xəritəçəkmə Komitəsinə dəstək” adlı tədbir keçirilib. Tədbirdə Tvinninq layihəsini Dövlət Torpaq və Xəritəçəkmə Komitəsi (DTXK) ilə birgə reallaşdıracaq Latviya və İsveçdən olan qonaqlar, müvafiq qurumların rəhbərləri, həmçinin, həmin ölkələrin Azərbaycandakı səfirləri də iştirak ediblər.
Tədbiri giriş sözü ilə açan Dövlət Torpaq və Xəritəçəkmə Komitəsinin sədri Qərib Məmmədov bildirib ki, layihənin benefisiarı ölkədə dövlət torpaq kadastrını (həmçinin, bu kadastrın aparılması ilə müəyyən edilən məlumatların dövlət torpaq reyestrini) aparan, eləcə də, bu kadastrın aparılmasını təmin edən geodeziya, topoqrafiya və kartoqrafiya işlərini həyata keçirən mərkəzi icra hakimiyyəti orqanı olaraq DTXK müəyyən edilib: “Layihə üzrə işlər Aİ ölkələrinin və Azərbaycanın mütəxəssisləri tərəfindən birgə həyata keçirilir. Aİ tərəfindən maliyyələşən 18 aylıq Tvinninq layihəsi DTXK, İsveçin Lantmeteriet (Kadastr, Xəritəçəkmə və Daşınmaz əmlakın qeydiyyatı hüququ üzrə dövlət orqanı) və Latviyanın Dövlət Torpaq Xidməti ilə birgə həyata keçiriləcək. Təxminən 865.000 manat dəyəri olan Tvinninq layihəsi çərçivəsində aşağıdakı üç komponent üzrə işlərin həyata keçirilməsi nəzərdə tutulub: İnstitusional və institutlararası analiz və hüquqi sistemin təhlili daxil olmaqla müvafiq strukturların gücləndirilməsi; torpağın qiymətləndirilməsi metodologiyası və dövlət torpaq kadastr sisteminə inteqrasiyası; dövlət torpaq kadastrı məlumatlarının qeydiyyatı və kənd/şəhər dövlət torpaq kadastrı məlumat sistemi”.
Q.Məmmədov Tvinninq layihəsinin başlanması üçün Aİ-yə üzv ölkələrdən olan İsveç və Latviya kimi bu sahədə təcrübəli ölkələrin dəstəyinin layihənin uğurla başa çatdırılmasına əhəmiyyətli təsir edəcəyinə əminliyini vurğulayıb. O, əlavə edib ki, Tvinninq layihəsinin uğurla həyata keçirilməsinə DTXK-nin texniki dəstəyi və nəzarəti altında respublikanın xüsusi seçilmiş ərazilərində 37 ədəd Peyk Geodeziya Stansiyalarının qurulması da öz töhfəsini verəcək.
Tvinninq layihəsi barədə məlumat verən komitə sədri bildirib ki, proqram Aİ-nin təşəbbüsü ilə 1998-ci ildən Aİ-nin genişləndirilməsi məqsədi ilə fəaliyyətə başlayıb və hazırda namizəd olan ölkələrin inzibati və hüquqi potensialının gücləndirilməsinə kömək məqsədilə yaradılmış alətdir. Aİ-yə yeni üzv olmuş dövlətlərdə 1998-ci ildən 2007-ci ilə qədər 1800 Tvinninq layihələri həyata keçirilib. Aİ-yə qonşu dövlətlərdə də bu layihənin tətbiqinə başlanılıb, 2003-cü ilin sonlarından isə Tvinninqin yeni müstəqillik qazanmış dövlətlərdə fəaliyyətinə imkan yaradılıb. Aİ-nin genişləndirilməsi məqsədilə 2004-cü ilin may ayından etibarən təşkilatın şərq və cənub qonşuları ilə münasibətləri də Avropa Qonşuluq Siyasəti çərçivəsində müəyyən olunur. Belə ki, Avropa Qonşuluq Siyasətinin əsas məqsədi siyasi və iqtisadi islahat prosesinin asanlaşdırılması, birgə iqtisadi inteqrasiya, hüquqi və texniki yaxınlıq və davamlı inkişafdır.
Eyni zamanda, komitə sədri xatırladıb ki, Avropa Qonşuluq Siyasətinin inkişafının dəstəklənməsi məqsədilə 2007-ci ildən yeni alət - Avropa qonşuluq və əməkdaşlıq alətinin tətbiqinə başlanılıb. Həmin alət çərçivəsində Tvinninq proqramına geniş yer verilib. 2006-cı ilin mart ayından Azərbaycanda Tvinninqin başlanması istiqamətində müvafiq tədbirlər görülüb. Ölkənin ilk Tvinninq layihəsi müəyyən olunub və İqtisadi İnkişaf Nazirliyində bu layihənin həyata keçirilməsi məqsədilə ofis yaradılıb. 2011-ci ilin yanvar ayında Azərbaycanda 7 Tvinninq layihəsi həyata keçirilib və 8 layihə üzrə isə işlər müqavilələrin hazırlanması mərhələsindədir. Tvinninq - Avropa İttifaqına üzv olan dövlətlərin və benefisiar ölkə hesab edilən Azərbaycanın dövlət orqanları arasında tərəfdaşlıq və əməkdaşlığa əsaslanan institusional quruculuq alətidir. Tvinninq çərçivəsində Aİ ölkələri qanunvericilik və ölkə siyasəti sahəsində uzunmüddətli dəyişikliklərin həyata keçirilməsi məqsədilə təcrübəli mütəxəssislərlə təmin edir.
SEVİNC

Paylaş:

Baxılıb: 1580 dəfə