Səbail rayonunda 2014-cü ilin birinci rübünün yekunları müzakirə olunub

Bakı:

25 °C

38 %

5 m/s

Əlaqə

AZ RU EN

Ana səhifə / İqtisadiyyat / Səbail rayonunda 2014-cü ilin birinci rübünün yekunları müzakirə olunub

Səbail rayonunda 2014-cü ilin birinci rübünün yekunları müzakirə olunub

17.04.2014 [09:00]

Azərbaycan Respublikasının Prezidenti İlham Əliyevin Sədrliyi ilə Nazirlər Kabinetinin 2014-cü ilin birinci rübünün sosial-iqtisadi inkişafının yekunlarına və qarşıda duran vəzifələrə həsr olunmuş iclasındakı nitqindən irəli gələn məsələlər Səbail rayon İcra Hakimiyyəti başçısı yanında Şuranın toplantısında müzakirə olunub.
Toplantıda rayonun sənaye müəssisələrinin, təsərrüfat xidmətlərinin, təhsil, səhiyyə qurumlarının, bələdiyyələrin, gənclər təşkilatlarının və ictimaiyyətin nümayəndələri, hüquq mühafizə orqanlarının rəhbərləri iştirak ediblər.
Səbail rayon İcra Hakimiyyətinin başçısı Asif Əsgərov hesabat dövründə rayonda görülmüş işlərdən danışıb. Bildirilib ki, 2014-cü ilin ilk üç ayı ərzində rayonun sənaye müəssisələri tərəfindən 5.562,8 milyon manatlıq sənaye məhsulu istehsal edilib. Nəqliyyat müəssisələri 115,5 milyon manatlıq, rabitə müəssisələri 101,7 milyon manatlıq xidmətlər göstərib. Bütün maliyyə mənbələri hesabına əsas kapitala 1203,9 milyon manat investisiya qoyulub ki, bu da keçən ilin müvafiq dövrünə nisbətən 16 faiz çoxdur. Tikinti-quraşdırma işlərinə yönəldilmiş investisiyanın həcmi 553,7 milyon manat olub ki, bu da əvvəlki ilin müvafiq dövrü ilə müqayisədə 54,7 faiz çoxdur.
Üç ay ərzində rayonun pərakəndə ticarət şəbəkəsindən əhaliyə 56 milyon manat məbləğində və ya ötən ilin eyni dövründən 22,7 faiz çox istehlak malları satılıb. Xidmət müəssisələri tərəfindən əhaliyə 67 milyon manatlıq pullu xidmət göstərilib ki, bu da 2013-cü ilin müvafiq dövrü ilə müqayisədə 2,7 faiz çoxdur.
Birinci rübdə pərakəndə ticarət şəbəkəsindən əhaliyə 56 milyon manatlıq və ya əvvəlki ilin yanvar-mart aylarından 22,7 faiz çox əmtəə satılıb, 18,7 milyon manatlıq və ya əvvəlki ilin eyni dövrünə nisbətən 29,4 faiz çox iaşə xidmətləri göstərilib. Cari ilin əvvəlindən pullu xidmətlərin həcmi 2013-cü ilin eyni dövrünə nisbətən 2,3 faiz artaraq 67 milyon manat olub.
Hesabat dövründə Səbail rayonu ərazisində hamısı daimi olmaqla 537 yeni iş yeri açılıb.
Rayonun təsərrüfat xidmətləri tərəfindən də bir sıra işlər həyata keçirilib. Badamdar qəsəbəsində hər həftənin şənbə günləri kənd təsərrüfatı məhsulları yarmarkası təşkil edilib. Sakinlərin elektrik enerjisi, təbii qaz, içməli su ilə təminatının yaxşılaşdırılması üçün bir sıra tədbirlər həyata keçirilib.
2014-cü ilin ilk üç ayında Səbail Rayon Əhalinin Sosial Müdafiəsi Mərkəzinə ünvanlı sosial yardım almaq üçün 398 ailə müraciət edib, onların sənədlərinə müvafiq qaydada baxılaraq orta hesabla hər bir ailəyə 122 manat sosial yardım təyin olunub. Dövlət Sosial Müdafiə Fondu Səbail rayon şöbəsində qeydiyyatda olan 13116 təqaüdçüyə ilin ilk 3 ayı ərzində 9.651,7 min manat təqaüd və müavinət ödənilib. Səbail Rayon Məşğulluq Mərkəzində ilin ilk 3 ayı ərzində 225 nəfər işaxtaran vətəndaş daimi işlə təmin olunub.
Hesabat dövründə rayon İcra Hakimiyyəti tərəfindən də bir sıra tədbirlər keçirilib.
Sonra iclasda hesabat məruzəsi ətrafında çıxışlar olub.
Toplantıda əldə olunmuş nailiyyətlərlə yanaşı, həllini gözləyən problemlərin aradan qaldırılması yolları, rayonda görülməsi nəzərdə tutulan abadlıq işləri və s. müzakirə edilib.

Paylaş:

Baxılıb: 1419 dəfə