Heydər Əliyev
yeni azerbaycan logo

Ana səhifə / İqtisadiyyat / Yaponiyalı iş adamları Azərbaycanın aqrar sektorunda istehsal sahələri yaratmağa maraq göstərirlər

Yaponiyalı iş adamları Azərbaycanın aqrar sektorunda istehsal sahələri yaratmağa maraq göstərirlər

19.02.2016 [09:41]

Fevralın 18-də Azərbaycanın kənd təsərrüfatı nazirinin müavini Seyfəddin Talıbov Yaponiyanın ölkəmizdəki səfirliyinin nümayəndələri - birinci katib Takao İmanişi, eləcə də iqtisadi məsələlər üzrə attaşe Toşihiro Katagiri ilə görüşüb.
Nazirlikdən AZƏRTAC-a bildiriblər ki, görüşdə nazir müavini ölkələrimiz arasında dostluq və əməkdaşlıq əlaqələrini yüksək dəyərləndirib və kənd təsərrüfatında bu əməkdaşlığın yaxşı nəticələrə səbəb olduğunu bildirib. S.Talıbov Yaponiya Hökuməti tərəfindən maliyyələşdirilən 2KR Proqramı çərçivəsində həyata keçirilən tədbirlər nəticəsində kənd təsərrüfatının texniki təminatının, eləcə də aqrar islahatların ilk illərində görülən tədbirlərin əhəmiyyətini qeyd edib.
Bununla yanaşı, görüşdə Yaponiya Hökuməti tərəfindən Azərbaycanın kənd təsərrüfatına göstərilən dəstəyin genişləndirildiyi və ötən il avqustun 6-da Bakıda kənd təsərrüfatı naziri Heydər Əsədov və Yaponiyanın ölkəmizdəki səfiri Tsuquo Takahaşi tərəfindən imzalanmış “Yaponiyanın orta və kiçik həcmli müəssisələrinin məhsullarının təchizatı üzrə Qeyri-layihə Qrant Yardımı barədə Nota”nın vacib əhəmiyyət daşıdığı qeyd olunub.
Nazir müavini Seyfəddin Talıbov son iki ildə ölkəmizin kənd təsərrüfatında həyata keçirilən genişmiqyaslı tədbirlər və əldə olunan uğurlar barədə qonaqlara müfəssəl məlumat verib.
Yaponiya səfirliyinin birinci katibi Takao İmanişi Yaponiya Hökumətinin Kənd Təsərrüfatı Nazirliyi ilə əməkdaşlığa və bu sahədə həyata keçirilən layihələrə böyük önəm verdiyini vurğulayıb, ölkəsinin özəl şirkətlərinin Azərbaycanın kənd təsərrüfatında iş birliyi qurmağa, habelə bu istiqamətdə istehsal sahələrinin yaradılmasına maraq göstərdiklərini bildirib.
Səfirliyin iqtisadi məsələlər üzrə attaşesi Toşihiro Katagiri Yaponiyanın ərzaq təhlükəsizliyi sahəsində görülən işlərdən danışıb.
S.Talıbov Azərbaycanın kənd təsərrüfatına maraq göstərən yaponiyalı iş adamları ilə görüşməyə və müzakirələr aparmağa hazır olduqlarını bildirib.

Paylaş:
Baxılıb: 1017 dəfə

Xəbər lenti

Hamısına bax

YAP xəbərləri

İqtisadiyyat

Siyasət

Siyasət

4-cü dəfə...

28 Oktyabr 11:13  

Analitik

Analitik

Analitik

Analitik

Mədəniyyət

Ədəbiyyat

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31