Dollar bahalaşır?

Bakı:

16 °C

88 %

5 m/s

Əlaqə

AZ RU EN

Ana səhifə / İqtisadiyyat / Dollar bahalaşır?

Dollar bahalaşır?

12.04.2023 [10:57]

Nicat Dilqəmli

Ötən ayın son günlərində Amerikanın iri bankları bir-birinin ardınca iflas etdi. Bu, Federal Ehtiyatlar Sistemi - FED-in sərt pul-kredit siyasəti nəticəsində qiymətli kağızların dəyərdən düşməsi ilə izah edildi. Bundan sonra isə dünyada növbəti iqtisadi böhranın başlaması ehtimalının qorxusu yaşanmağa başladı. Birdən-birə 3 bankın müflisləşməsi dünyanın əksər ölkələrində özünü hiss etdirdi.

Bəs, baş verənlərin Azərbaycana hansısa mənfi təsiri ola bilərmi? Proseslərin gedişatı nədən xəbər verir? ABŞ dollarının ölkəmizdə bahalaşması ehtimalı nə qədərdir?

Ekspertlərin fikrincə, manatın tədiyyə balansında ciddi şəkildə müsbətin olması, rezervlərin ciddi şəkildə artması kimi bir sıra faktorlar manatın dollar qarşısında dəyər dəyişməsini istisna edir.

Mövzu ilə bağlı suallarımızı cavablandıran birjalar üzrə ekspert Cəfər İbrahimli “Yeni Azərbaycan” qəzetinə açıqlamasında əvvəlcə ötən il ərzində dolların kursundakı dəyişikliklərdən söz açıb: “2022-ci il ərzində dollar mütəmadi dəyər qazandı. Dolların indeksinə baxdığımız zaman tarixi zirvələrə yüksəldiyini, bütün valyutalar qarşısında dəyər qazandığını, avronun, funt sterlinqin haralara düşdüyü görmüşdük. Bu da dünyada inflyasiya ilə mübarizə çərçivəsində Amerika Mərkəzi Bankının qərarları idi. Bu qərarlar dolları daha cəlbedici valyuta edirdi. Ona görə də digər valyutaların əksəriyyəti dəyər itirirdi.

Azərbaycanda manat-dollar stabil olduğu üçün hansısa bir dəyişiklik olmadı. Əslində, manat dəyər itirsə idi, bu, keçən ilki iqtisadi proseslər fonunda baş verə bilərdi, lakin biz dəyişikliklər müşahidə etmədik”.

Ekspertin sözlərinə görə, cari il ərzində dollar təxminən 2.5 faiz dəyər itirib: “Yəni artıq dollar dəyər itirir, digər aparıcı valyutalar isə dünya bazarında dəyər qazanmağa başlayıb. Bu da həmin ölkələrlə mərkəzi bankların, FED-in və Amerikanın iqtisadiyyatının ola biləcək gözləntiləri ilə bağlıdır”.

C.İbrahimlinin qənaətinə görə, bu il ərzində manatın dollar qarşısında dəyər itirməsi ümumiyyətlə real görünmür: “Azərbaycanın tədiyyə balansında ciddi şəkildə müsbətin olması, keçən il rezervlərin ciddi şəkildə artması kimi bütün bu parametrlərlə manatın dollar qarşısında dəyər dəyişməsini gözləmirik. Bu il ümumiyyətlə belə bir şey gözlənilmir. Hökumətin də siyasəti bu yöndədir. Dollar-manat kursunun 1.70 olaraq davam edəcəyi açıqlanıb. Digər rəsmi qurumların da açıqlamalarında bu mövqeyin qorunub saxlanacağı bildirilib. İqtisadi rəqəmlər də bunu dəstəkləyir. Bu səbəbdən də manatın bu il ərzində dəyər itirməsi gözlənilmir”.

Paylaş:

Baxılıb: 603 dəfə