RENAULT KANGOO Z.E. — 2012-CI ILIN ƏN YAXŞI FURQONU

Bakı:

27 °C

54 %

6 m/s

Əlaqə

AZ RU EN

Ana səhifə / Maraqlı / RENAULT KANGOO Z.E. — 2012-CI ILIN ƏN YAXŞI FURQONU

RENAULT KANGOO Z.E. — 2012-CI ILIN ƏN YAXŞI FURQONU

24.04.2012 [20:59]

168 mümkün xaldan 104 xal toplayaraq, Kangoo Z.E., Iveco Daily, Fiat Ducato və VW Caddy-ni qabaqlayaraq, “Dünyanın ən yaxşı furqonu” mükafatını qazandı. Mükafat Renault-un yüngül kommersiya nəqliyyatı bölməsinin direktoru Jan-Mari Yurtijeyə Belçikada, 14-cü Beynəlxalq treylerlər sərgisi çərçivəsində keçirilmiş təntənəli mərasimdə təqdim edilib. Münsiflər heyətinin sədri Piter Viman qeyd edib: “Renault şirkəti Kangoo Z.E. modelini dünyaya tanıdaraq, elektrik furqonları sıravi Avropa istehlakçılarının ixtiyarına verərək, müasir nəqliyyatın mühüm vəzifələrindən olan ətraf mühitin qorunub saxlanmasına böyük bir töhfə vermiş oldu”.
Jan-Mari Yurtije əlavə edib: “Mükafat bir neçə il ərzində Kangoo Z.E. modelinin hazırlanması üzərində çalışan Renault əməkdaşlarının səyi nəticəsində əldə edilib. Kangoo Z.E. Renault-un dörd elektromobillərindən biridir. Bu layihədə dizayn bürosu, Möbejedə yerləşən zavod və satış şöbəsi daxil olmaqla, şirkətin bütün fəaliyyətdə olan bölmələri iştirak etmişlər. İnad, yaradıcı qabiliyyəti, ən başlıcası yüksək səviyyəli komanda ruhu nümayiş etdirərək, onlar qarşıya qoyulmuş vəzifələri müvəffəqiyyətlə yerinə yetirdilər və bu öz bəhrəsini verdi”.
Kangoo Z.E. — Renault-un yüngül kommersiya avtomobili 1998-ci ildən yüngül kommersiya nəqliyyatı istehsalının lideri – Renault şirkəti öz avtomobil sırasını yeni, elektrik versiyalı Kangoo Z.E ilə zənginləşdirdi. Model, avtomobil istehsalçısı tərəfindən buraxılan ilk tam elektrik minivendir. Akkumulyatoru avtomobilin döşəməsinin altına yerləşdirməklə, Renault mühəndisləri daxiliyanma mühərrikli modelin ölçü və tutumluğunu qoruyub saxlayıblar. Fransanın Möbeje şəhərində, MCA müəssisəsində daxili yanacaqlı mühərrikli Kangoo Z.E ilə birgə istehsal edilən elektrik model kuzovun iki variantlı ölçüsü və üç versiyada təklif olunur: Kangoo Z.E., Kangoo Z.E. Maxi (iki nəfərlik) və Kangoo Z.E. Maxi (beş nəfərlik). Komplektasiyaların bu cür müxtəlifliyi şirkətin ayrı-ayrı tələblərinə cavab verir. Avtomobilin həcmi 3 m3 dən 4,6 m3-ə kimidir. Habelə sərnişin və yük daşıyan modifikasiyaları mövcuddur.
İlk əlverişli elektromobil
Kangoo Z.E.- Renault Z.E ailəsinin ilk avtomobili şirkətin diler salonlarına oktyabrın 28-də daxil olub. Onun başlanğıc qiyməti Avropada 20.000 avro (ƏDV və dövlət imtiyazları daxil olmadan), Fransada isə 5 000 avro miqdarında dövlət dotasiyası sayəsində - 15 000 avro (ƏDV daxil olmadan). Akkumulyatorun aylıq icarə qiyməti 36 ay və 10 000 km qət etməsi üçün – 72 avro (ƏDV daxil olmadan) təşkil edir.
Ətraf mühitə qayğılı münasibət
Fransada elektromobillər elektrik enerjisi istehsalı tullantıları daxil olmaqla, zərərli maddələrin tullanma dərəcəsinin aşağı olması ilə fərqlənirlər. Bütövlükdə Kangoo Z.E. modelinin CO2 tullantıları 12 q/km təşkil edir. “İlin furqonu” müsabiqəsinin münsiflər heyəti üçün Kangoo Z.E. modelinin seriyalı şəkildə istehsalı, CO2 maddəsi tullantısının aşağı səviyyədə olmasının əhəmiyyətini daha da artırır.
Dərhal tanınma
“İlin ən yaxşı furqonu” mükafatı Kangoo Z.E.-nin qələbə seriyasının ən yüksək nöqtəsi oldu. Bundan öncə elektrik Kangoo Danimarkada münsiflər heyəti avtomobillər haqqında yazan jurnalistlərdən ibarət “İlin furqonu” mükafatını, İrlandiyada isə “Avtoparklar üçün nəqliyyat” reytinqinin ekspertləri tərəfindən verilən “Yaşıl kommersiya nəqliyyatı” mükafatını qazanmışdır.
Mənbə: Avtomobil.az

Paylaş:

Baxılıb: 2573 dəfə