Infiniti-Renault Alyansının F1 komandası Bakıya böyük iddialarla gəlir

Bakı:

2 °C

87 %

10 m/s

Əlaqə

AZ RU EN

Ana səhifə / Maraqlı / Infiniti-Renault Alyansının F1 komandası Bakıya böyük iddialarla gəlir

Infiniti-Renault Alyansının F1 komandası Bakıya böyük iddialarla gəlir

20.05.2016 [14:42]

Renault Sport Formula-1 komandası 1997-ci ildən etibarən Formula-1 yarışlarının əvəzolunmaz iştirakçısıdır. Komanda Bakıya Infiniti-Renault Alyansının innovativ məhsulu olan yenilənmiş bolidlərlə gəlir.
19 iyun 2016-cı il tarixi Formula-1 yarışlarının tarixinə yeni bir ilklə yazılacaq. Məhz, həmin gün, ilk dəfə Azərbaycanın paytaxtı Bakıda Formula-1 dünya çempionatı çərçivəsində Avropa Qran Prisi start götürəcək.
17-19 iyun tarixlərində Bakıda keçiriləcək Avropa Qran Prisi sırf şəhər yarışıdır. “Odlar ölkəsində, Sürət zirvəsində!” şüarı altında baş tutacaq yarış meydanı - Bakı Şəhər Halqasının memarı Herman Tilkeyə görə, Formula 1-in Azərbaycanda inşa olunmuş ən yeni treki dünyada ən sürətli şəhər treki ünvanına tezliklə yiyələnəcək. Herman Tilke qeyd edir ki, Bakı Şəhər Halqası sahib olduğu bir sıra xüsusiyyətlərə görə digər treklərdən fərqlənir:
“Bakı Şəhər Halqasını Formula 1-in daimi trekləri ilə müqayisə etmək düzgün deyil. Çünki bu, şəhər trekidir. Anoloji treklərlə müqayisədə Bakı Şəhər Halqası öz unikallığı ilə seçilir. Bu trekin Formula 1 təqvimində şəhər treklərinin ən sürətlisi olacağı gözlənilir.
- Formula-1 Avropa Qran Prisi yeni standardlar təyin edir
Trekin şəhərin tarixi məkanlarından keçməsi həm tribunalarda, həm də televiziya ekranları qarşısında əyləşən tamaşaçılar üçün qeyri-adi və yaddaqalan yarış əhval-ruhiyyəsi yaradacaq. Bakı Şəhər Halqası məhz bu xüsusiyyətinə görə azarkeşləri özünə cəlb edəcək. Bu baxımdan deyə bilərəm ki, Formula 1 təqvimində Bakı Şəhər Halqasına bənzər ikinci bir trek yoxdur və bu trek mövsümün ən həyəcanlı yarışına ev sahibliyi edəcək.”
Əlavə edək ki, Bakı Monakodan sonra şəhər yarışlarının keçiriləcəyi ikinci şəhərdir.
Avstraliyalı mütəxəssis Tom Butçer asfalt örtüyü, təhlükəsizlik elementləri və tikinti işlərinə nəzarət edir. Butçer bütün işlərin çox yüksək səviyyədə aparıldığını bildirir. Onun “Bakı ikinci Monako olacaqmı?”, - sualına cavabı olducqa maraqlı səslənir. Avstraliyalının fikrincə, “Bakı yeni standardlar təyin edir, Bakı birincidir!”.
- Reault Sport Formula-1 komandası Bakıda uğurlu nəticələrə köklənib
Renault Sport Formula-1 komandası 1997-ci ildən etibarən Formula-1 yarışlarının əvəzolunmaz iştirakçısıdır. Komanda Bakıya Infiniti-Renault Alyansının innovativ məhsulu olan yenilənmiş bolidlərlə gəlir. Komandanın pilotları Colion Palmer və Kevin Maqnussen Avropa Qran Prisinə ciddi hazırlaşırlar. Azərbaycanda bu komandanın diqqət mərkəzinə düşəcəyi və çılğınlıqla dəstəklənəcəyi şübhə doğurmur.
Bakı Avropa Qran Prisinin Renault Renault Sport Formula-1 komandası üçün uğurlu olacağına inanırıq, ən azından onun üçün ki, Azərbaycanda bu komandanın pərəstişkarı olan və ona qələbə arzulayan minlərlə İnfiniti və Renault sahibi var.

Paylaş:

Baxılıb: 3239 dəfə