Azərbaycan Diplomatik Akademiyasında MADİA magistr proqramı üzrə məzunların buraxılış mərasimi keçirilib

Bakı:

22 °C

43 %

2 m/s

AZ RU EN

Ana səhifə / Siyasət / Azərbaycan Diplomatik Akademiyasında MADİA magistr proqramı üzrə məzunların buraxılış mərasimi keçirilib

Azərbaycan Diplomatik Akademiyasında MADİA magistr proqramı üzrə məzunların buraxılış mərasimi keçirilib

18.05.2013 [17:38]

Mayın 17-də Azərbaycan Diplomatik Akademiyasının (ADA) MADİA magistr proqramının 2013-cü il məzunlarının buraxılış mərasimi keçirilib.
AzərTAc xəbər verir ki, tədbirdə çıxış edən Azərbaycan xarici işlər nazirinin müavini, ADA-nın rektoru, professor Hafiz Paşayev rəhbərlik etdiyi ali təhsil ocağı barədə məlumat verib, akademiyanın fəaliyyəti üçün davamlı dəstəyə görə Prezident İlham Əliyevə və Mehriban xanım Əliyevaya minnətdarlığını bildirib.
Hafiz Paşayev deyib: “Bizim son məzunlarımız daha şanslıdırlar. Onlar bu tədris mərkəzinin açılışında burada idilər və hətta Prezident İlham Əliyevlə və Mehriban xanım Əliyeva ilə xatirə şəkli də çəkdirmişdilər. Biz cənab Prezidentə və Azərbaycanın birinci xanımına akademiyaya göstərdikləri diqqət və qayğıya görə minnətdarlıq və ümid edirik ki, ADA bu etimadı doğruldacaqdır”.
Hafiz Paşayev MADİA proqramı barədə məlumat verib. Bildirilib ki, ADA təsis olunduğu vaxtdan bir çox layihələr həyata keçirməsinə baxmayaraq, MADİA proqramı xüsusi əhəmiyyətə malikdir.
Rektor vurğulayıb: “Bu gün biz təkcə 28 tələbəni məzun etmirik. Biz, eyni zamanda, 28 qlobal lideri və məsuliyyətli vətəndaşı məzun edirik. Bizim ilk buraxılışımız 2011-ci ildə olmuşdur. Həmin məzunların 16-dan 15-i işlə təmin olunmuş, biri isə təhsilini davam etdirmişdir. MADİA-nın 2012-ci il proqramı üzrə təhsilini başa çatdırdıqdan sonra 14 məzun müxtəlif təşkilatlarda işlə təmin olunmuşdur. Bilirəm ki, MADİA-2013 də bu prosesin davamı olacaqdır. Çünki onların bəziləri hətta diplomlarını almadan işlə təmin olunmuşlar, digərləri isə sınaq müddəti keçirlər”.
Məzunlar arasında ABŞ, Ukrayna, Gürcüstan, Rusiya, Qambiya, Pakistan, Fici, Keniya və Argentina vətəndaşlarının olduğunu bildirən rektor onların akademiyada Beynəlxalq Təqaüd Proqramı əsasında təhsil aldıqlarını qeyd edib.
Tədbirdə çıxış edən Azərbaycanın təhsil naziri Mikayıl Cabbarov ölkəmizin təhsil sahəsində əldə olunan uğurlarından danışıb.
ADA-da təhsil almağın əhəmiyyətini vurğulayan nazir deyib: “Düşünürəm ki, siz akademiyanın adında olan “diplomatik” sözünün əsl mənasını başa düşürsünüz”.
M.Cabbarov deyib ki, Azərbaycanın çox böyük uğurlara imza atdığı bir dövrdə ölkə gənclərinin yüksək səviyyəli təhsil almaları mühüm məsələlərdən biridir. Azərbaycan əhalisinin çoxu gənclərdən ibarətdir və onlar ölkəmizin həyatında mühüm rol oynayırlar.
2013-cü il məzunları adından çıxış edən qambiyalı Ndey Haddi Cenq mükəmməl təhsilə görə ADA-nın rəhbərliyinə, o cümlədən professor-müəllim heyətinə təşəkkürünü bildirib.
Sonda məzunlara diplomlar təqdim edilib.
Tədbirdə Azərbaycanın dövlət və hökumət rəsmiləri, xarici ölkələrin səfirləri, elmi dairələrin nümayəndələri, tələbələrin yaxınları iştirak ediblər.

Paylaş:

Baxılıb: 1330 dəfə