Ahıllara qayğı cəmiyyətin hər bir üzvünün vətəndaşlıq borcudur

Bakı:

26 °C

56 %

5 m/s

Əlaqə

AZ RU EN

Ana səhifə / Siyasət / Ahıllara qayğı cəmiyyətin hər bir üzvünün vətəndaşlıq borcudur

Ahıllara qayğı cəmiyyətin hər bir üzvünün vətəndaşlıq borcudur

02.10.2013 [10:09]

1 Oktyabr Beynəlxalq Ahıllar günü Səbail rayonunda ənənəvi olaraq geniş şəkildə qeyd olunub. Rayon İcra Hakimiyyəti, Veteran Təşkilatları və Ağsaqqallar şuraları, Qızıl Aypara Cəmiyyətinin rayon şöbəsi, rayon Sosial Müdafiə Mərkəzinin və bir sıra ictimai təşkilatların rayon şöbələrinin nümayəndələrinin iştirakı ilə Ahıllar gününün keçirilməsi üçün əvvəlcədən hazırlıq işləri görülüb.
Əlamətdar günlə əlaqədar “Park Bulvar” Ticarət və İstirahət Mərkəzindəki “Zeytun” restoranında rayonun ahıl, kimsəsiz, əlil və qayğıya ən çox ehtiyacı olan vətəndaşlarının bir qrupu üçün rayon İcra Hakimiyyəti tərəfindən bayram süfrəsi açılıb. Tədbirdə iştirak edən Səbail rayon İcra Hakimiyyətinin başçısı Asif Əsgərov yaşlı nəslin nümayəndələrini salamlayıb, onlara uzun ömür və cansağlığı arzulayaraq dövlət tərəfindən hər bir ahıl vətəndaşın diqqət və qayğı ilə əhatə olunduğunu bildirib. Qeyd olunub ki, Azərbaycan Respublikasının Prezidenti cənab İlham Əliyevin apardağı uğurlu siyasət nəticəsində əldə olunmuş iqtisadi inkişaf ölkə rəhbərliyinə imkan verib ki, son illər ərzində pensiya və minimum əmək haqlarının məbləği dəfələrlə qaldırılsın. Bu il də ölkədə pensiya müavinətlər 10 faiz artıb. Qarşıdakı illərdə də pensiya və müavinətlərin artırılması nəzərdə tutulub.
Bu gün Səbail rayonunda yaşayanların 6,5 faizini (6073 nəfər) yaşı 65-dən yuxarı olan ahıllar təşkil edir. Müxtəlif növ və kateqoriyalar üzrə 2485 nəfər sosial müavinət, 422 ailə (1682 ailə üzvü) Ünvanlı Sosial Yardım alır. Hər bir ailə üzvünə 27,0 manat olmaqla, orta hesabla hər bir ailəyə 119,0 manat sosial yardım təyin olunub.
Səbail rayon Əhalinin Sosial Müdafiə Mərkəzinin Sosial xidmət şöbəsində 371 nəfər tənha, əlil qeydiyyatdadır ki, onlara 31 nəfər sosial işçi xidmət göstərir. Təqaüdçülərə təqaüd və müavinətlərin ödənilməsində gecikmələrə yol verilmir, onların müraciətləri nəzərə alınaraq rayonun bir neçə yaşayış sahəsində, o cümlədən, Bibiheybət qəsəbəsi, 20-ci yaşayış sahələrində yeni bankomatlar quraşdırılıb, Bibiheybətdə yeni poçt məntəqəsi yaradılıb.
A.Əsgərov rayonda aparılan genişmiqyaslı abadlıq-quruculuq işləri barədə məlumat verib, rayonun sosial-iqtisadi inkişafı üçün görülməsi nəzərdə tutulan işlərdən danışıb və bildirib ki, bu işlərin həyata keçirilməsində veteran və yaşlı nəsil nümayəndələrinin hər zaman məsləhət və təkliflərinə böyük ehtiyac var.
Tədbirdə çıxış edənlər rayonda ahıl və veteranlarla bağlı görülən işlərdən, onlara göstərilən diqqət və qayğıdan danışıb və bu işlərə görə ölkə başçısına öz minnətdarlıqlarını çatdırıb, qarşıdan gələn Prezident seçkilərində yekdilliklə İlham Heydər oğlu Əliyevin namizədliyini dəstəkləyəcəklərini bildiriblər.
Görüşdə iştirak edən ahıllara RİH tərəfindən ərzaq bağlamaları təqdim olunub.
Əməkdar artist Aybəniz Haşımova, qızı Aynişan Quliyeva, Tacikistandan gəlmiş müğənni Təhminə Niyazova, gənc ulduzlar Vəli Səfərov, Müşviq Əliyev, Vüqar Ağasıyevin çıxışları tədbiri daha şən və rəngarəng edib.

Paylaş:

Baxılıb: 1921 dəfə