Dövlət İdarəçilik Akademiyasında “Azərbaycan Respublikasının xarici siyasəti” və “Elektron hökumət” istiqamətləri üzrə qısamüddətli ixtisasartırma kurslarına yekun vurulub

Bakı:

26 °C

52 %

2 m/s

AZ RU EN

Ana səhifə / Siyasət / Dövlət İdarəçilik Akademiyasında “Azərbaycan Respublikasının xarici siyasəti” və “Elektron hökumət” istiqamətləri üzrə qısamüddətli ixtisasartırma kurslarına yekun vurulub

Dövlət İdarəçilik Akademiyasında “Azərbaycan Respublikasının xarici siyasəti” və “Elektron hökumət” istiqamətləri üzrə qısamüddətli ixtisasartırma kurslarına yekun vurulub

01.03.2014 [11:51]

Azərbaycan Respublikasının Prezidenti yanında Dövlət İdarəçilik Akademiyasında (DİA) “Azərbaycan Respublikasının xarici siyasəti” və “Elektron hökumət” istiqamətləri üzrə qısamüddətli ixtisasartırma kursları başa çatıb. Kurslara dövlət hakimiyyətinin mərkəzi, şəhər, rayon miqyaslı orqanlarının, müvafiq nazirlik, komitə və idarələrin rəhbər işçiləri cəlb olunublar.
DİA-dan AzərTAc-a bildirilib ki, “Azərbaycan Respublikasının xarici siyasəti” istiqaməti üzrə kursun məqsədi “Azərbaycan müasir beynəlxalq münasibətlər sistemində: ikitərəfli və çoxtərəfli əlaqələr”, “Davamlı inkişafın planlaşdırılması və idarə edilməsi: Azərbaycan Respublikası beynəlxalq müqayisələrdə”, “Müasir dövrdə Azərbaycan Respublikasının xarici siyasətinin prioritet istiqamətləri”, “Sığınacaq hüququ əcnəbilərin hüququnun spesifik institutu kimi”, “Yaxın Şərq böhranı: problemlər”, “Azərbaycanın beynəlxalq mədəni əlaqələri” və s. mövzularla bağlı biliklərin dinləyicilərə çatdırılması və onlarla fikir mübadilələrinin aparılması olub.
Kurs müddətində Azərbaycan Respublikası Prezidenti Administrasiyası rəhbərinin müavini, xarici əlaqələr şöbəsinin müdiri, professor Novruz Məmmədov, Prezident Administrasiyasının İctimai-siyasi məsələlər şöbəsinin müdiri, professor Əli Həsənov, Dövlət İdarəçilik Akademiyasının rektoru, akademik Urxan Ələkbərov, Dövlət Miqrasiya Xidmətinin idarə rəisi Nazim Salmanov, Xarici İşlər Nazirliyinin Yaxın Şərq və Afrika idarəsinin rəis müavini Oqtay Qurbanov, Diasporla İş üzrə Dövlət Komitəsinin şöbə müdiri Cavanşir Vəliyev və digər dövlət qurumlarının məsul nümayəndələri, eləcə də Dövlət İdarəçilik Akademiyasının müəllimləri müxtəlif mövzularda mühazirələrlə çıxış ediblər.
Prezident Administrasiyasının İctimai-siyasi məsələlər şöbəsinin müdiri, professor Əli Həsənov “Azərbaycan Respublikasının xarici siyasəti” istiqaməti üzrə qısamüddətli ixtisasartırma kurslarını başa vurmuş dinləyicilərə sertifikatlar təqdim edib.
Dövlət İdarəçilik Akademiyasında “Elektron hökumət” istiqaməti üzrə də qısamüddətli ixtisasartırma kursu başa çatıb. Kursa dövlət hakimiyyətinin mərkəzi, şəhər, rayon miqyaslı orqanlarının, müvafiq nazirlik, komitə və idarələrin rəhbər işçiləri cəlb olunublar.
Bu istiqamətdə kursların əsas məqsədi isə “Elektron hökumət”: dövlət qulluqçusu yeni informasiya məkanında”, “Azərbaycanda informasiya cəmiyyəti quruculuğu”, “Elektron hökumət” dövlət orqanlarının fəaliyyətinin təşkilinin yeni formasi kimi”, “Elektron hökumət”in normativ hüquqi təminati”, “Elektron xidmətlər: onların təşkili və təqdim olunmasi”, “Elektron hökumət”in uğurunun amilləri”, “Minilliyin yeni inkişaf məqsədləri” kimi mövzularla bağlı biliklərin dinləyicilərə çatdırılması və onlarla fikir mübadilələrinin aparılması olub.
Kurs müddətində rabitə və informasiya texnologiyaları nazirinin müavini Elmir Vəlizadə, Dövlət İdarəçilik Akademiyasının rektoru Urxan Ələkbərov, Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin əməkdaşları Aqil Quliyev, Murad Fətullayev, Dövlət İdarəçilik Akademiyasının I prorektoru, professor Əlikram Abdullayev və Akademiyanın professor-müəllim heyətinin müxtəlif mövzularda mühazirələri dinlənilib.
Dövlət İdarəçilik Akademiyasının rektoru Urxan Ələkbərov “Elektron hökumət” istiqaməti üzrə qısamüddətli ixtisasartırma kurslarını başa vurmuş dinləyicilərə sertifikatlar təqdim edib.

Paylaş:

Baxılıb: 972 dəfə