Dövlət İdarəçilik Akademiyasının Qarabağ Araşdırmalar Mərkəzində Dağlıq Qarabağ münaqişəsi ilə bağlı həqiqətlər haqqında qısamüddətli kurslara yekun vurulub

Bakı:

23 °C

78 %

10 m/s

AZ RU EN

Ana səhifə / Siyasət / Dövlət İdarəçilik Akademiyasının Qarabağ Araşdırmalar Mərkəzində Dağlıq Qarabağ münaqişəsi ilə bağlı həqiqətlər haqqında qısamüddətli kurslara yekun vurulub

Dövlət İdarəçilik Akademiyasının Qarabağ Araşdırmalar Mərkəzində Dağlıq Qarabağ münaqişəsi ilə bağlı həqiqətlər haqqında qısamüddətli kurslara yekun vurulub

01.03.2014 [11:52]

Fevralın 28-də Azərbaycan Respublikasının Prezidenti yanında Dövlət İdarəçilik Akademiyasının (DİA) Qarabağ Araşdırmalar Mərkəzində ali məktəb tələbələri üçün “Ermənistan-Azərbaycan, Dağlıq Qarabağ münaqişəsi: tarixi kökləri, mərhələləri və həlli perspektivləri” proqramı üzrə qısamüddətli kurslara yekun vurulub.
DİA-dan AzərTAc-a bildiriblər ki, fevralın 18-də başlayan kursların təşkilində məqsəd indiki və gələcək nəsillərdə son iki əsrdə ermənilər tərəfindən xalqımıza qarşı həyata keçirilən etnik təmizləmə, soyqırımı siyasəti haqqında yaddaşı möhkəmləndirmək, bu faciələrə bütün dünyada siyasi və hüquqi qiymət verilməsinə nail olmaq, onların ağır nəticələrinin aradan qaldırılmasına və bir daha belə halların təkrar edilməməsinə çalışmaq olub.
İlk dinləyiciləri Dövlət İdarəçilik Akademiyasının tələbələri olmuş bu kursların keçirilməsi gənclərin maarifləndirilməsi və vətənpərvərlik ruhunun artmasına kömək etməklə yanaşı, dünya ictimaiyyətinin Dağlıq Qarabağ münaqişəsi ilə bağlı həqiqətlər haqqında daha çox məlumatlandırılması istiqamətində Azərbaycan dövlətinin apardığı işlərə töhfə vermək baxımından mühüm əhəmiyyətə malikdir.
Kurslarda Azərbaycan Respublikası Prezidenti Administrasiyasının İctimai-siyasi məsələlər şöbəsinin müdiri, professor Əli Həsənov “Dağlıq Qarabağ münaqişəsinin nizama salınması istiqamətində aparılan danışıqlar prosesində Azərbaycan dövlətinin mövqeyi” mövzusunda sonuncu mühazirəni oxuyub. Münaqişənin nizama salınması prosesində Azərbaycanın diplomatik səylərindən danışan Əli Həsənov ölkəmizin ilk növbədə sülh variantına üstünlük verdiyini söyləyib. Əli Həsənov diqqətə çatdırıb ki, Azərbaycan Prezidenti İlham Əliyev ermənilərin etnik təmizləmə siyasəti və ərazilərimizin müvəqqəti olaraq itirilməsi ilə heç vaxt barışmayacağını bildirməklə yanaşı, torpaqlarımızı azad etmək üçün tam əsasımızın olduğunu və bunu beynəlxalq hüquq normalarının da təsdiq etdiyini vurğulayıb. Bu səbəbdən də biz Azərbaycan dövlətinin və Prezidentinin Dağlıq Qarabağ münaqişəsi ilə bağlı yürütdüyü siyasətə dəstək verməliyik. Bildirilib ki, ermənilərin Cənubi Qafqazda yeritdikləri təcavüzkar siyasətə ağıl və intellektlə yanaşmaq lazımdır. Eyni zamanda, biz həm də güclü olmalıyıq. Çünki müasir dünyada güclünün haqlı olduğu bir siyasət yürüdülür. Biz Prezidentin Azərbaycan vətəndaşları, ziyalıları, ictimaiyyəti qarşısında qoyduğu və dəfələrlə vurğuladığı missiyanı - hücum diplomatiyasını yaddan çıxarmamalıyıq.
Kurslarda Qarabağ Araşdırmalar Mərkəzinin rəhbəri, Dövlət İdarəçilik Akademiyasının dosenti Elçin Əhmədovun “Ermənistanın Azərbaycana qarşı ərazi iddiaları və təcavüzkarlıq siyasətinin tarixi kökləri və mərhələləri”, professor Kərim Şükürovun “Ermənilərin Azərbaycan torpaqlarına köçürülməsi və onun nəticələri”, Azərbaycan Respublikası Prezidenti İşlər İdarəsinin Prezident Kitabxanasının şöbə müdiri, Azərbaycan Milli Elmlər Akademiyasının Tarix İnstitutunun Qarabağ tarixi şöbəsinin böyük elmi işçisi Nazim Mustafanın “XX əsrin əvvəllərində ermənilərin azərbaycanlılara qarşı təcavüzü (1905-1906)”, Azərbaycan Respublikasının Prezidenti yanında Strateji Araşdırmalar Mərkəzinin direktoru Fərhad Məmmədovun “Ermənistan-Azərbaycan, Dağlıq Qarabağ münaqişəsi və böyük dövlətlərin mövqeyi” və başqalarının müvafiq mövzularda mühazirələri dinlənilib.
Kursların sonunda Prezident Administrasiyası İctimai-siyasi məsələlər şöbəsinin müdiri Əli Həsənov, Dövlət İdarəçilik Akademiyasının rektoru Urxan Ələkbərov, “Azərbaycan Respublikası Dağlıq Qarabağ Bölgəsinin Azərbaycanlı İcması” İctimai Birliyinin sədri Bayram Səfərov və digərləri dinləyicilərə sertifikatlar təqdim ediblər.

Paylaş:

Baxılıb: 989 dəfə