Fransanın milli bayramı şərəfinə

Bakı:

20 °C

73 %

3 m/s

Əlaqə

AZ RU EN

Ana səhifə / Siyasət / Fransanın milli bayramı şərəfinə

Fransanın milli bayramı şərəfinə

15.07.2014 [10:29]

İyulun 14-də Fransanın Azərbaycandakı səfirliyi ölkəsinin milli bayramı - Bastiliyanın alınması günü münasibətilə rəsmi qəbul təşkil edib.
AzərTAc xəbər verir ki, qəbulda Azərbaycanın dövlət və hökumət rəsmiləri, Milli Məclisin deputatları, diplomatik korpusun və ictimaiyyətin nümayəndələri iştirak ediblər.
Azərbaycanın və Fransanın dövlət himnləri səslənib.
Fransanın Azərbaycandakı səfiri Paskal Mönye ölkəsinin keçdiyi inkişaf yolundan danışıb, iqtisadi və mədəni sahələrdə böyük tərəqqiyə nail olunduğunu vurğulayıb.
Azərbaycanın dinamik inkişaf etdiyini vurğulayan səfir ölkələrimiz arasında siyasi, iqtisadi münasibətlərin, habelə elm, təhsil və mədəniyyət sahəsində əməkdaşlığın bundan sonra da genişlənəcəyinə əminliyini bildirib.
P.Mönye ölkələrimiz arasında ticari əlaqələrə də toxunub, bu sahədə əməkdaşlığın genişləndirilməsinin vacibliyini qeyd edib. Diplomat dost ölkələr olan Azərbaycan və Fransa arasında getdikcə genişlənən əlaqələrdən məmnunluğunu bildirərək deyib ki, qarşılıqlı səfərlər, yüksək səviyyəli görüşlər və danışıqlar ikitərəfli münasibətlərin inkişafına əlverişli zəmin yaradır.
Ailə, Qadın və Uşaq Problemləri üzrə Dövlət Komitəsinin sədri Hicran Hüseynova əlamətdar gün münasibətilə Azərbaycan Prezidenti İlham Əliyevin təbrikini, fransız xalqına sülh, əmin-amanlıq və firavanlıq arzularını çatdırıb. Bildirib ki, Azərbaycan ilə Fransa arasında əlaqələrin dərin tarixi kökləri var.
Komitə sədri iki ölkə arasında diplomatik münasibətlərin yaranması tarixinə toxunub, ötən dövr ərzində əlaqələrimizin inkişafı üçün geniş hüquqi baza yaradıldığını deyib. Bildirilib ki, Fransa Azərbaycanın mühüm tərəfdaşlarından biridir. H.Hüseynova ölkələrimiz arasında əməkdaşlığın bütün sahələrdə uğurla inkişaf etdiyini söyləyib. O vurğulayıb ki, dövlət başçılarının qarşılıqlı səfərləri əlaqələrimizin daha da inkişaf etməsinə öz töhfəsini verib.
Azərbaycanın birinci xanımı, Heydər Əliyev Fondunun prezidenti Mehriban Əliyevanın Azərbaycan-Fransa əlaqələrinin inkişafındakı böyük xidmətlərini diqqətə çatdıran komitə sədri bildirib ki, Fondun dəstəyi ilə Fransada kilsə və mədəniyyət abidələrinin bərpası, həmçinin Parisdə Azərbaycan Mədəniyyət Mərkəzinin açılması, Azərbaycan mədəniyyəti günlərinin keçirilməsi buna əyani sübutdur.
Vurğulanıb ki, ölkələrimiz arasında təhsil sahəsində də uğurlu əməkdaşlıq həyata keçirilir. Yüzlərlə azərbaycanlı gənc Fransa ali məktəblərində təhsil alır və bu proses davam edir. Eyni zamanda, Bakıda Fransız liseyinin açılması da bu əməkdaşlığın önəmli göstəricilərindəndir.

Paylaş:

Baxılıb: 817 dəfə