Bahar Muradova: Azərbaycanın hansı sahədə inkişafına baxırıqsa, orada Ulu öndər Heydər Əliyevin izini, rolunu, xidmətlərini görürük

Bakı:

19 °C

94 %

2 m/s

AZ RU EN

Ana səhifə / Siyasət / Bahar Muradova: Azərbaycanın hansı sahədə inkişafına baxırıqsa, orada Ulu öndər Heydər Əliyevin izini, rolunu, xidmətlərini görürük

Bahar Muradova: Azərbaycanın hansı sahədə inkişafına baxırıqsa, orada Ulu öndər Heydər Əliyevin izini, rolunu, xidmətlərini görürük

12.12.2014 [10:15]

“Bu gün Azərbaycanın qazandığı nailiyyətlərin əldə olunması, müasir Azərbaycanın ərsəyə gəlməsi, müstəqilliyimizin qorunub saxlanılması, dövlətçiliyimizin inkişafı Ulu öndər Heydər Əliyevin ideyaları əsasında hazırlanan, ölkəmizin milli maraqlarına söykənən dövlət quruculuğu kursuna əsaslanır. Azərbaycan dövləti heç zaman indiki qədər möhkəm, inkişaf etmiş və müstəqil olmayıb. Bu, Ulu öndər Heydər Əliyevin arzusu, məqsədi, həyatının mənası idi”. Bu fikirləri Milli Məclis sədrinin müavini, Yeni Azərbaycan Partiyası (YAP) İdarə Heyətinin üzvü Bahar Muradova deyib.
B.Muradova Ümummilli lider Heydər Əliyevin ömrünü həsr etdiyi Azərbaycan xalqının istək və arzularının bu gün çiçəkləndiyini və inkişaf etdiyini qeyd edib: “Bu, hər birimizi sevindirir və bu günə hansı yollardan, mərhələlərdən keçərək gəldiyimizi düşündürür, məsuliyyət hissimizi artırır. Ulu öndər həmişə söyləyirdi ki, müstəqillik əldə etmək onu qorumaqdan asandır və ya müstəqilliyi qorumaq onu əldə etməkdən çətindir. İllər ərzində Onun dediyi bu fikirlərin əsl mənasına və məzmununa bir daha əmin olduq ki, müstəqilliyi elan etmək onun ən asan tərəfi imiş. Ümummilli lider Heydər Əliyevin müəyyənləşdirdiyi siyasi kursla, məhz Onun iştirakı və rəhbərliyi ilə Azərbaycan dövləti ayağa durdu, öz müstəqilliyini möhkəmləndirdi, inkişaf etdi. Ulu öndər hər bir Azərbaycan vətəndaşı üçün rifah içərisində olan demokratik cəmiyyət yaratdı. Azərbaycanın hansı sahədə inkişafına baxırıqsa, orada Ulu öndər Heydər Əliyevin izini, rolunu, xidmətlərini görürük”.
Vitse-spiker bildirib ki, bugünkü nəslin borcu Ümummilli lider Heydər Əliyevin tövsiyələrinə əməl etməklə Azərbaycanı daha da inkişaf etdirmək, inkişaf etmiş ölkələr sırasına çıxarmaq, onun müstəqilliyinə xələl gətirəcək hər hansı bir hərəkətin qarşısında bir xalq, dövlət, güc olaraq dayanmaqdır.
“Bu gün Ulu öndər Heydər Əliyevin siyasi ideyalarını, arzularını, dövlət quruculuğu prosesini çox böyük uğurla davam etdirən Prezident İlham Əliyevin fəaliyyəti də aydın şəkildə görünür. Sevinirik ki, bu gün qətiyyətli, xarizmatik, cəsarətli, dünya proseslərindən düzgün baş çıxaran və eyni zamanda, dünyanın bütün çağırışlarını zamanında nəzərə almağı bacaran siyasi liderlə irəliləməkdəyik. Azərbaycanın bugünkü uğurlarının rəhni Ulu öndər Heydər Əliyevin ideyaları ilə silahlanmış və bu ideyaların həyata keçirilməsini həyatının mənası hesab edən Prezidentimizin fəaliyyətidir”, - deyə B.Muradova qeyd edib.
Vitse-spiker qeyd edib ki, Ulu öndər Heydər Əliyevin yaratdığı model bu gün uğurla həyata keçirilməkdədir: “Cənubi Qafqaz regionunun lider dövləti olan, ildən-ilə Avropanın enerji təhlükəsizliyi məsələsində əhəmiyyətli tərəfdaşa çevrilən və dünya miqyasında nüfuzu artan Azərbaycanın əldə etdiyi inkişaf istər dünya ölkələri, istərsə də beynəlxalq təşkilatlar tərəfindən xüsusi olaraq vurğulanır”.
Onun sözlərinə görə, bir neçə il öncə başlayan qlobal maliyyə böhranının fonunda ölkəmizdə müşahidə olunan dayanıqlı iqtisadi inkişaf Azərbaycanda həyata keçirilən uğurlu daxili iqtisadi-sosial siyasətin bəhrəsi sayıla bilər: “Bu, ölkəmizin inkişafının əsas təməl prinsipini özündə əks etdirən Ulu öndər Heydər Əliyevin siyasi kursunun Azərbaycanda paralel olaraq bütün sahələr üzrə inkişafı təmin etməsini əsaslandıran amildir. Dayanıqlı iqtisadi siyasət, habelə müstəqil və tarazlı şəkildə həyata keçirilən xarici siyasət kursu Azərbaycan dövlətinin istər daxili sabitliyinin, inkişafının təminatında, istərsə də beynəlxalq dayaqlarının möhkəmləndirilməsində mühüm əhəmiyyət kəsb edir”.

Paylaş:

Baxılıb: 613 dəfə