Sumqayıt şəhərində bələdiyyə seçkisi yüksək seçici fəallığı şəraitində keçib

Bakı:

23 °C

60 %

3 m/s

Əlaqə

AZ RU EN

Ana səhifə / Siyasət / Sumqayıt şəhərində bələdiyyə seçkisi yüksək seçici fəallığı şəraitində keçib

Sumqayıt şəhərində bələdiyyə seçkisi yüksək seçici fəallığı şəraitində keçib

24.12.2014 [09:47]

Dünən Azərbaycanda növbəti dəfə bələdiyyə seçkiləri keçirilib.
Böyük seçici aktivliyi ilə müşayiət olunan bələdiyyə seçkisi yüksək demokratik prinsiplər əsasında baş tutub. Sumqayıt şəhər 42 saylı Seçki Dairəsinin 28 saylı məntəqəsində proses olduqca şəffaf şəkildə keçib. Məntəqədə vətəndaşlara azad şəkildə səs vermək üçün hər bir şərait yaradılıb. Seçkini müşahidə edən siyasi partiyaların nümayəndələri də bildiriblər ki, seçki prosesinə heç bir kənar müdaxilə edilməyib və qanundan kənar addımlar atılmayıb. Yeni Azərbaycan Partiyasından müşahidəçi qismində seçkini izləyən Qərib Səlimov bildirib ki, seçki azad və ədalətli şəraitdə keçirilib. VHP-dən olan müşahidəçi Nuranə Qasımova da seçkilərin qanun çərçivəsində keçirildiyini diqqətə çatdırıb. AVP-dən olan müşahidəçi Umnisə Ağayeva bildirib ki, seçicilərin azad şəkildə səs verməsi üçün bütün şərait yaradılıb. BQP-dən olan Tünzalə Həsənova insanların fəallığını, xüsusilə vurğulayıb. Onun sözlərinə görə, gün ərzində yüksək seçici fəallığı müşahidə edilib. Həmin məntəqədə səs verən seçici Vüsalə Əliyeva hər zaman ölkə Prezidentini və Onun Sədri olduğu Yeni Azərbaycan Partiyasını dəstəklədiyini bildirib. V.Əliyeva bu seçkidə də YAP-ın namizədlərinə səs verdiyini diqqətə çatdırıb.
43 saylı Sumqayıt Seçki Dairəsinin 18 saylı məntəqəsində də bələdiyyə seçkiləri uğurla keçib. Məntəqədə müşahidə aparan BQP-dən olan Səadət Xəlilova bildirib ki, seçicilər azad şəkildə səsvermədə iştirak edib, öz namizədlərinə səs veriblər. Öz təşəbbüsü ilə müşahidəçi qismində seçkini izləyən Xatirə Babayeva da səhər saat 8-dən məntəqədə səsverməyə start verildiyini qeyd edib. MHDP-dən olan müşahidəçi Mahizər Cavadova da bildirib ki, səhər saatlarında seçici fəallığı yüksək olub və günortadan sonra isə bu aktivlik daha da yüksəlib. Seçici Zakir Sadıqov bildirib ki, bu gün Azərbaycan region dövlətləri arasında xüsusi nüfuzu olan dövlətdir. Z.Sadıqov YAP-ın namizədlərinə səs verməklə bu inkişafın davamlı olmasına səs verdiyini diqqətə çatdırıb.
44 saylı Sumqayıt - Xızı Seçki Dairəsində də səhər saatlarından seçicilər seçki məntəqəsinə gələrək öz seçimlərini ediblər. Seçki Dairəsinin 2 saylı məntəqəsində seçkini müşahidəçi qismində izləyən Yeni Azərbaycan Partiyasının üzvü Əhliman Dadaşzadə seçicilərin azad və şəffaf şəkildə öz səslərini verməsi üçün şərait yaradıldığını deyib. ASDP-dən olan müşahidəçi Orxan Qurbanov səsvermə zamanı heç bir qanun pozuntusuna yol verilmədiyini deyib. AVP-ni təmsil edən müşahidəçi Elman Muxtarov da deyib ki, prosesə heç bir kənar müdaxilə olmayıb. MVP üzvü, müşahidəçi Xəyyam Abbasov isə bildirib ki, insanlar böyük həvəslə məntəqələrə gələrək bələdiyyə üzvlüyünə namizədlər arasında seçim edirlər. Həmin məntəqədə səs verən seçici Sevinc Fərəcbəyli deyib ki, ölkəmizdə bələdiyyələr tərəfindən qısa zaman ərzində böyük işlər görülüb. S.Fərəcbəyli də YAP-ın namizədlərinə səs verdiyini diqqətə çatdırıb.
Pərviz SADAYOĞLU

Paylaş:

Baxılıb: 608 dəfə