Azərbaycan-Türkiyə qardaşlığı sarsılmazdır

Bakı:

22°C

73%

7m/s

Əlaqə

AZ RU EN

Ana səhifə / Siyasət / Azərbaycan-Türkiyə qardaşlığı sarsılmazdır

Azərbaycan-Türkiyə qardaşlığı sarsılmazdır

29.10.2009 [10:09]

Aydın Hüseynov: Dövlətimiz başda cənab Prezident İlham Əliyev olmaqla, bir daha nümayiş etdirdi ki, regionda Azərbaycanın milli maraqlarına zidd hər hansısa iş reallaşdırıla bilməz
Azərbaycanla Türkiyə arasında bayraq “böhranı” başa çatdı. Artıq söz verildiyi kimi, Bursada Azərbaycan bayrağını təhqir edənlər həbs olundu, Türkiyə bayrağı Şəhidlər Xiyabanındakı Türk Şəhidliyində yenidən bayrağımızla birgə dalğalanmağa başladı. Bayraqların yenidən birgə dalğalanması Azərbaycana səfərə gəlmiş türkiyəli qonaqlar tərəfindən də sevinclə qarşılandı...
Məsələyə münasibət bildirən Yeni Azərbaycan Partiyasının (YAP) Siyasi Şurasının üzvü, partiyanın Qaradağ rayon təşkilatının sədri Aydın Hüseynov söyləydi ki, bununla da, Azərbaycan-Türkiyə münasibətləri yeni bir müstəviyə yüksəlir: “Artıq hər kəs görməlidir ki, “Bir millət, iki dövlət” fəlsəfəsi üzərində qurulan Azərbaycan-Türkiyə münasibətləri sarsılmazdır. Bu hadisə bir daha təsdiqlədi ki, Azərbaycanla Türkiyənin qardaşlıq münasibətləri olmadan regionda hər hansısa təşəbbüsün reallaşmasının qeyri-mümkündür. İki qardaş ölkə arasında nifaq salmağa çalışan qüvvələr isə yenidən məğlub oldular. Eyni zamanda qardaş dövlətlər arasında bir daha belə bir narahatlıqların baş verməməsi üçün ehtiyatlı tədbirlər görülməli, mütəmadi məsləhətləşmələr aparılmalıdır”.
Aydın Hüseynovun sözlərinə görə, geridə qalan “böhran” hər iki ölkənin qarşılıqlı maraqlara söykənən siyasi kurs yeritməsinin alternativi olmadığını da ortaya qoydu: “Hər bir halda həm Azərbaycan, həm də Türkiyə ictimaiyyətində yaranmış yalnış fikirlər aradan qaldırıldı. Və düşmənlərimizin arzuları ürəklərində qaldı. çünki, təcrübədən bilirik ki, bu cür həssas məqamlarda ermənilər və iki qardaş ölkəni bir-birindən incik salmağa çalışan digər qüvvələr yanlış informasiyalarla mənfi stereotip formalaşdırmağa çalışırlar. Lakin həmişə olduğu kimi, qardaşlıq qalib gəldi və düşmənlərə fürsət verilmədi”.
A.Hüseynovun fikrincə, “böhran”, həmçinin, Azərbaycanın qüdrətli dövlət kimi maraqlarını qorumağa qadir olduğunu sübut etdi: “Dövlətimiz başda cənab Prezident İlham Əliyev olmaqla, bir daha nümayiş etdirdi ki, regionda Azərbaycanın milli maraqlarına zidd hər hansısa iş reallaşdırıla bilməz. Yəni, kim olursa-olsun regionda təşəbbüs həyata keçirmək istəyən istənilən qüvvə mütləq Azərbaycanın maraqlarını da nəzərə almalıdır”.
Ramil VƏLİBƏYOV

Paylaş:

Baxılıb: 1070 dəfə