Sahib Məmmədov: Torpaqlarımızın işğaldan azad olunması məsələsində cəmiyyətdə heç bir fikirayrılığı ola bilməz

Bakı:

23 °C

60 %

3 m/s

AZ RU EN

Ana səhifə / Siyasət / Sahib Məmmədov: Torpaqlarımızın işğaldan azad olunması məsələsində cəmiyyətdə heç bir fikirayrılığı ola bilməz

Sahib Məmmədov: Torpaqlarımızın işğaldan azad olunması məsələsində cəmiyyətdə heç bir fikirayrılığı ola bilməz

17.10.2020 [07:50]

“Azərbaycanın hər bir vətəndaşı kimi, Ali Baş Komandanın işğal altındakı torpaqlarımızın azad edilməsi istiqamətində yürütdüyü siyasəti birmənalı olaraq dəstəkləyirəm. Belə ki, Ermənistan silahlı qüvvələrinin təxribatı qarşısında qoşunlarımızın əks-hücum əməliyyatlarına başlaması bütün Azərbaycan əhalisi tərəfindən alqışlanır. Sosial Tədqiqatlar Mərkəzinin apardığı araşdırmalar da bunu təsdiq edir. Bu tədqiqatların nəticəsi göstərir ki, Azərbaycan xalqı Ali Baş Komandanın atdığı addımlara qətiyyətlə dəstək verir. Biz də bu cəmiyyətin tərkib hissəsi, bu xalqın nümayəndəsi olaraq eyni mövqedən çıxış edirik”.

Bunu Vətəndaşların Əmək Hüquqlarını Müdafiə Liqasının sədri Sahib Məmmədov deyib.

QHT sədri bildirib ki, düşmənlərimizin istəklərinin əksinə olaraq bu günlərdə Azərbaycan cəmiyyətində görünməmiş birlik və həmrəyliyin şahidi oluruq: “Bəzi ehtimalların və proqnozların əskinə olaraq, son nəticədə Azərbaycan xalqı növbəti dəfə bir yumruq kimi Ali Baş Komandanın ətrafında birləşib. Heç bir siyasi təşkilatı təmsil etməyən, ermənilərlə birgə layihələr həyata keçirən bir neçə şəxsdən başqa, ölkədə fəaliyyət göstərən əksər siyasi partiyaların, qeyri-hökumət təşkilatlarının nümayəndələri, cəmiyyətin bütün təbəqələri Ali Baş Komandanla həmrəylik nümayiş etdirib. Eyni zamanda, bu dönəmdə iqtidar və müxalifət məsələsi aradan qalxıb. Bəzi kiçik qrupları təmsil edən şəxslər istisna olmaqla, bütün siyasi partiyalar eyni mövqedən çıxış edirlər. Bunun nəticəsidir ki, hazırda ölkəmizdə xalq-Ali Baş Komandan, xalq-ordu, müxalifət-iqtidar birliyi mövcuddur”.

S.Məmmədovun sözlərinə görə, ilin əvvəlindən başlayaraq, siyasi partiyalarla, qeyri-hökumət təşkilatları ilə aparılan dialoq və görüşlərin də əldə edilən milli həmrəyliyə müsbət təsiri olub: “Bir mühüm məqamı qeyd edim ki, cənab Prezident İlham Əliyev ilk dəfə dövlət başçısı seçiləndə də birmənalı şəkildə bəyan etmişdi ki, O, bütün Azərbaycan xalqının Prezidentidir. Cənab Prezident dövlət başçısı kimi fəaliyyətinin bütün dövrlərində bu xəttə sadiq olub, yəni, siyasi dialoq xətti həmişə mövcud olub. Bununla yanaşı, 2018-ci ildə keçirilən prezident seçkiləri dövründə və seçkidən sonra dövlət başçısı mühüm mesajlar vermişdi. Onlardan biri də təbii ki, cəmiyyətdə, o cümlədən siyasi partiyalar, vətəndaş cəmiyyəti institutları arasında dialoqun intensivləşdirilməsi barədə idi. 2020-ci ilin əvvəlindən bu istiqamətdə aparılan siyasətin növbəti mərhələsi başladı. Daha doğrusu, bu il dialoqun dərinləşdirilməsi baxımından, xüsusilə fərqləndi. Təbii ki, bu prosesin bugünkü milli həmrəyliyin əldə olunmasına müsbət təsiri var. Ən əsası da odur ki, Qarabağ torpaqlarının azad olunması məsələsində cəmiyyətdə heç bir fikirayrılığı ola bilməz. Bu məsələdə, yalnız xəyanətkarlar fərqli fikir sərgiləyə bilərlər”.

Q.RAMAZANOV

Paylaş:

Baxılıb: 334 dəfə