Əlisahib Hüseynov: Bu Qələbə Ordumuzun qəhrəmanlığı, Ali Baş Komandanımızın isə sərkərdəlik məharəti və müdrikliyi sayəsində mümkün oldu

Bakı:

31 °C

34 %

2 m/s

AZ RU EN

Ana səhifə / Siyasət / Əlisahib Hüseynov: Bu Qələbə Ordumuzun qəhrəmanlığı, Ali Baş Komandanımızın isə sərkərdəlik məharəti və müdrikliyi sayəsində mümkün oldu

Əlisahib Hüseynov: Bu Qələbə Ordumuzun qəhrəmanlığı, Ali Baş Komandanımızın isə sərkərdəlik məharəti və müdrikliyi sayəsində mümkün oldu

03.12.2020 [10:05]

“İşğaldan azad olunan Laçın rayonunda da Azərbaycan bayrağı ucaldıldı. Qəhrəman hərbçilərimiz Ali Baş Komandan İlham Əliyevə Laçın şəhərində dövlət bayrağının qaldırılması haqqında məruzə etdilər. Beləliklə, 28 ilin məşəqqətli həsrəti dekabrın 1-də başa çatdı. Həmin gün də müqəddəs bir gün kimi yaddaşımıza və tariximizə yazıldı. Şanlı Azərbaycan Ordusu 44 günlük müharibədə qazandığı möhtəşəm Qələbə ilə işğal tarixinə nöqtə qoydu, işğal saatının əqrəblərini dayandırdı və tarixin təkərini doğru məcraya yönəltməyi bacardı. Beləliklə, işğal tarixi qapandı, zəfər tarixi yazılmağa başlandı. Bu gün Laçının dinc yolla, qan tökülmədən işğaldan azad edilməsi məhz Azərbaycan Ordusunun qazandığı zəfərlərin məntiqi sonluğu, müsbət nəticəsidir”. Bu fikirləri qəzetimizə açıqlamasında Milli Həmrəylik Partiyasının (MHP) sədri Əlisahib Hüseynov deyib.
Əlisahib Hüseynovun sözlərinə görə, Prezident İlham Əliyev Laçının işğaldan azad edilməsi münasibətilə xalqa etdiyi müraciətində də qeyd etdi ki, ermənilər Laçın rayonunun ərazisinin bütünlüklə dəhliz kimi Ermənistanın nəzarətində qalmasına iddia edirmişlər. Ancaq müzəffər Ordumuz ermənilərin bu iddialarını tamamilə alt-üst etdi. Ordumuz yeni reallıq yaratdı. Beləliklə, indi Laçın yenidən bütöv Azərbaycan ailəsinə qovuşdu.
“Cənab Prezidentimiz, Ali Baş Komandanımız İlham Əliyevi bu böyük Qələbə münasibətilə ürəkdən təbrik edirik. Bu Qələbə Ordumuzun qəhrəmanlığı, Ali Baş Komandanımızın isə sərkərdəlik məharəti və müdrikliyi sayəsində mümkün oldu. Cənab İlham Əliyev Azərbaycan tarixinə Öz adını Qalib Lider kimi yazdırdı. Prezidentimiz ölkəmiz üçün tamamilə yeni səhifə açdı. Artıq Azərbaycana qarşı istər bölgəmizdə, istərsə də dünyada münasibət kökündən dəyişib. İndi Azərbaycan hər kəsin hesablaşdığı güclü bir ölkəyə çevrilib. İndi Azərbaycan, həqiqətən də, Cənubi Qafqazın lider dövlətidir. Və indi Azərbaycan Ordusu, həqiqətən də, Cənubi Qafqazın ən güclü və peşəkar Ordusu kimi qəbul olunur. Bütün bunların hamısı Prezident İlham Əliyevin xidməti və uğurlarıdır!”, - deyən Ə.Hüseynov laçınlılara da təbriklərini çatdırıb: “Əziz laçınlılar, dəyərli bacı və qardaşlarımız, sizi ürəkdən təbrik edirik! Gözünüz aydın olsun. Həsrətiniz bitdi. Məcburi köçkün həyatınız sona çatdı. Artıq sizin üçün tamamilə yeni bir dövr başlayır. Yeni həyatınız xeyirli-uğurlu olsun, əziz laçınlı həmvətənlərimiz! Ocaqlarınız gur yansın!”.
Nardar BAYRAMLI

Paylaş:

Baxılıb: 608 dəfə