Elçin Mirzəbəyli: Azərbaycan Prezidentinin dəmir məntiqi döyüş meydanında dəmir yumruğa çevrilərək xalqımıza tarixi Zəfər qazandırdı

Bakı:

29 °C

43 %

5 m/s

AZ RU EN

Ana səhifə / Siyasət / Elçin Mirzəbəyli: Azərbaycan Prezidentinin dəmir məntiqi döyüş meydanında dəmir yumruğa çevrilərək xalqımıza tarixi Zəfər qazandırdı

Elçin Mirzəbəyli: Azərbaycan Prezidentinin dəmir məntiqi döyüş meydanında dəmir yumruğa çevrilərək xalqımıza tarixi Zəfər qazandırdı

17.02.2021 [09:01]

“Münxen Təhlükəsizlik Konfransı çərçivəsində Ermənistan-Azərbaycan Dağlıq Qarabağ münaqişəsinə həsr olunmuş panel müzakirələrdən və təbii ki, Prezident İlham Əliyevin işğalçı ölkənin qlobal miqyasda dövlətimizə qarşı apardığı yalan və böhtandan ibarət, təxribat xarakterli informasiya siyasətinə vurduğu həlledici zərbədən bir il ötür. Bu konfransda Azərbaycan Prezidentinin Ermənistanın baş nazirinə verdiyi dərs təkcə işğalçı ölkənin deyil, bütövlükdə dünyanın hər yerində təşkilatlanmış, qlobal media resurslarında öz şəbəkələrini yaratmış, vahid mərkəzdən idarə olunan erməniliyin və onların çoxsaylı himayədarlarının uzun illərdən bəri dövlətimizə qarşı apardığı siyasətin dünyanın gözü qarşısında darmadağın edilməsi kimi tarixdə qalacaq. Bu, eyni zamanda, Prezident İlham Əliyevin şəxsində liderin, dövlət başçısının öz xalqının maraqlarını necə məharətlə, qətiyyətlə müdafiə etməsinin bariz nümunələrindən biri kimi xatırlanacaq”.
Bu fikirləri açıqlamasında “Xalq cəbhəsi” qəzetinin baş redaktoru Elçin Mirzəbəyli deyib.
E.Mirzəbəyli bildirib ki, Prezident İlham Əliyevin Münxen Təhlükəsizlik Konfransından öncə “Valday” Beynəlxalq Diskussiya Klubunun iclasının plenar sessiyasında səsləndirdiyi “Qarabağ Azərbaycandır və nida işarəsi” sözləri Azərbaycan xalqının öz torpaqlarının azadlığı uğrunda mübarizəsinin simvoluna çevrildi, döyüş ruhumuzun dirçəldilməsində, vahid milli hədəf uğrunda mübarizə naminə birliyimizin, həmrəyliyimizin daha da möhkəmləndirilməsində müstəsna rol oynadı: “Azərbaycan Prezidentinin Münxen Təhlükəsizlik Konfransı çərçivəsində keçirilən tarixi debatda Ermənistanın baş nazirinin və təbii ki, “böyük Ermənistan” xülyası ilə yaşayan bütün erməniliyin iddialarını alt-üst etməsi isə dövlətimizin başçısının informasiya müstəvisində müəyyənləşdirdiyi hücum taktikasının həlledici zərbəsi idi. Bütün bunlar 44 günlük Vətən müharibəsi dövründə Azərbaycanın informasiya savaşında da üstün tərəf olmasında əhəmiyyətli rol oynadı. Prezident İlham Əliyev “Qarabağ Azərbaycandır və nida işarəsi” dedi və yerinə yetirdi, sözü ilə əməlinin bir olduğunu bütün dünyaya nümayiş etdirdi, sözü və əməli ilə tarix yazdı. Azərbaycan Prezidentinin dəmir məntiqi döyüş meydanında dəmir yumruğa çevrilərək xalqımıza tarixi Zəfər qazandırdı!”
PƏRVİZ

Paylaş:

Baxılıb: 695 dəfə