“Qarabağ klanı” yeni təxribatlara əl atır

Bakı:

24 °C

74 %

10 m/s

Əlaqə

AZ RU EN

Ana səhifə / Siyasət / “Qarabağ klanı” yeni təxribatlara əl atır

“Qarabağ klanı” yeni təxribatlara əl atır

26.04.2022 [10:16]

Danışıqları pozmaq istəyən qüvvələr siyasi manipulyasiya ilə məşğuldur

P.İSMAYILOV

Azərbaycan ilə Ermənistan arasında gedən sülh danışıqları ilə bağlı pozitiv məqamlar artdıqca bəzi dairələrin “üçüncü əl” qismində prosesə müdaxilə arzusu da intensivləşir. Belə ki, sosial şəbəkənin erməni seqmentində Xankəndi ilə bağlı informasiyalar yayılmaqdadır. Bu informasiyalarda Xankəndi şəhərinin əhalisinə xəbərdarlıq edilir. Bildirilir ki, buradakı ermənilər aprelin 30-na qədər təxliyə olunacaqlar. Sözügedən informasiya sosial şəbəkənin erməni seqmentində şok effekti yaradıb və böyük təşvişə səbəb olub. Bir məqamı da vurğulamaq gərəkir ki, bu, separatçıların adından yayılan məlumatdır.

Məsələ ilə bağlı fikirlərini qəzetimizə bölüşən Milli Məclisin deputatı Arzu Nağıyev bu xarakterli məlumatların yayılmasının təxribat olduğunu düşünür. Millət vəkili bildirib ki, Azərbaycan dövləti heç bir vaxt ermənilərin həmin ərazilərdən köçürülməsi ilə bağlı bəyanatla çıxış etməyib: “Və ya onlara bu kimi informasiyalarla hansısa təzyiqlər edilməyib. Biz hər zaman bildirmişik ki, Xankəndidə və digər regionlarda yaşayan ermənilər Azərbaycan Konstitusiyasına, qanunlarına riayət etməlidirlər. Onların bizim qanunvericiliyi pozması və ya hər hansı bir cinayət xarakterli əməllərinin olmaması halları araşdırılmalıdır. Belə hallar olmadığı təqdirdə onlar gələcəkdə Azərbaycan vətəndaşları kimi həmin ərazilərdə yaşayıb fəaliyyət göstərə bilərlər”.

A.Nağıyevin fikrincə, son günlərdə bu və ya digər şəkildə məqsədli təxribatlara rast gəlinməkdədir. Belə ki, Zəngilan istiqamətində sərhəddə baş verən hadisələr bilərəkdən törədilir, bu kimi təxribat xarakterli məlumatlar, informasiyalar bilərəkdən yayılır. “Burada əsas məqsəd Azərbaycan ilə Ermənəistan arasında gedən danışıqlardakı pozitivliyi pozmaqdır. Artıq tərəflər arasında sərhədlərin delimitasiya və demarkasiyası ilə bağlı ciddi danışıqlar gedir. Azərbaycanla Ermənistan arasında Birgə Sərhəd Komissiyasının, habelə sülh müqaviləsinin işlənib hazırlanması ilə bağlı işçi qrupunun görüşlərinin yaxın zamanlarda təşkil olunmasına dair razılıq əldə olunub. Məhz bu baxımdan, Ermənistanda siyasi iddiaları ilə önə çıxmaq istəyən “Qarabağ klanı” ərazi bütövlüyümüzün tanınmaması, eyni zamanda sülh müqaviləsinin imzalanmaması üçün belə addımlar atır. Düşünürəm ki, sülh müqaviləsi imzalanana qədər bu kimi təxribatların şahidi olacağıq. Çünki bir çoxları həqiqətən də status-kvonun saxlanmasını istəyir. Onlar guya regiondan ermənilərin köçürülməsinin insan haqlarının pozulması şəklində dəyərləndirilməsinə çalışırlar. Amma bütün bu cəhdlər boşunadır”, - deyə A.Nağıyev əlavə edib.

Paylaş:

Baxılıb: 1297 dəfə