Ulu öndər Heydər Əliyev milli neft strategiyasının yaradıcısıdır

Bakı:

10 °C

87 %

8 m/s

Əlaqə

AZ RU EN

Ana səhifə / Sosial / Ulu öndər Heydər Əliyev milli neft strategiyasının yaradıcısıdır

Ulu öndər Heydər Əliyev milli neft strategiyasının yaradıcısıdır

09.01.2015 [10:06]

Ümummilli lider Heydər Əliyevin 1993-cü ildə ölkə rəhbərliyinə qayıdışından sonra Azərbaycanın iqtisadi imkanlarının səfərbər olunması, ölkənin malik olduğu təbii sərvətlərinin istismarına xarici investisiyaların cəlb edilməsi məqsədilə təxirəsalınmaz tədbirlərin həyata keçirilməsinə başlanılıb. Azərbaycanın neft və qaz ehtiyatlarının istismarına xarici investisiyaların cəlb edilməsində 1994-cü il sentyabrın 20-də imzalanmış “Əsrin müqaviləsi” xüsusi yer tutur. Ümummilli liderin təşəbbüsü ilə bağlanan bu müqavilə Azərbaycan xalqının rifah halının yaxşılaşdırılmasında yeni dövrün əsasını qoyub.
AzərTAc xəbər verir ki, bu fikirlər Ulu öndərin irsinin öyrənilməsi məqsədilə yanvarın 8-də Zaqatala şəhərindəki Heydər Əliyev Mərkəzində rayonun ümumtəhsil məktəblərinin XI sinif şagirdlərinə keçirilən növbəti açıq dərsdə səsləndirilib.
Zaqatala şəhər 1 nömrəli tam orta məktəbinin tarix müəllimi Pərixanım Şabanovanın tədris etdiyi “Ulu öndər Heydər Əliyev milli neft strategiyasının yaradıcısıdır” mövzusunda açıq dərsdə rayonun Çobankol, Bazar, Qandax və Sumaylı kənd tam orta məktəblərinin şagirdləri iştirak ediblər.
Açıq dərsdə Ümummilli liderin Azərbaycanın milli neft strategiyasının yaradılmasındakı rolu və xidmətlərindən, neftin Azərbaycan iqtisadiyyatının inkişafındakı rolundan ətraflı bəhs olunub. Neft strategiyasının mahiyyətinin ölkəmizin mövqeyinin möhkəmləndirilməsi və “qara qızıl”ın xalqın rifahına xidmət etmək olduğu vurğulanıb.
Şagirdlərin diqqətinə çatdırılıb ki, “Əsrin müqaviləsi”nin imzalanması ilə müstəqil Azərbaycanın milli neft strategiyasının əsası qoyulub. Təməli Ulu öndər tərəfindən qoyulan bu strategiyanın gerçəkləşməsi və beynəlxalq neft şirkətləri ilə sazişlərin imzalanması sayəsində ölkəmizin neft ehtiyatlarının istismarına çoxmilyardlı xarici investisiyalar cəlb edilib. Məhz bu müqavilədən sonra dünya dövlətlərinin Azərbaycan iqtisadiyyatına marağı artıb, ölkəmizin beynəlxalq əlaqələrinin genişlənməsinə güclü təkan verilib. Bu müqavilənin imzalanması ilə xalqımızın öz sərvətləri üzərində sahiblik hüququ bir daha təsdiq edilib, eyni zamanda, Azərbaycan iqtisadiyyatının dünyaya açıq olması bir daha nümayiş etdirilib. “Əsrin müqaviləsi”nin bağlanması Azərbaycanın bir dövlət kimi tanınmasına, dünya iqtisadi sisteminə qoşulmasına və beynəlxalq aləmdə mövqeyinin möhkəmləndirilməsinə şərait yaradıb.
Tədris prosesində şagirdlər Mərkəzdə Ulu öndərin həyat və fəaliyyətinə dair zəngin ekspozisiya ilə də yaxından tanış olublar.

Paylaş:

Baxılıb: 885 dəfə