Babək rayonunun Xal-xal kəndində kompleks quruculuq işləri aparılıb

Bakı:

16 °C

67 %

10 m/s

Əlaqə

AZ RU EN

Ana səhifə / Sosial / Babək rayonunun Xal-xal kəndində kompleks quruculuq işləri aparılıb

Babək rayonunun Xal-xal kəndində kompleks quruculuq işləri aparılıb

23.09.2015 [10:24]

Sentyabrın 22-də Naxçıvan Muxtar Respublikasının Babək rayonunun Xal-xal kəndində avtomobil yolunun açılışı olub.
Naxçıvan Muxtar Respublikası Ali Məclisinin Sədri Vasif Talıbov açılışı bildirən lenti kəsib, sakinləri təbrik edib, yolda aparılan yenidənqurma işləri ilə tanış olub.
Daha sonra Xal-xal kənd tam orta məktəbinin yeni binası istifadəyə verilib. Naxçıvan Muxtar Respublikası Ali Məclisinin Sədri Vasif Talıbov açılış tədbirində iştirak edib.
Naxçıvan Muxtar Respublikası Ali Məclisinin Sədri Vasif Talıbov müəllim və şagirdləri yeni məktəb binasının istifadəyə verilməsi münasibətilə təbrik edib, ölkəmizdə və Muxtar Respublikada təhsil sahəsində əldə olunan uğurlardan danışıb.
Açılışı bildirən lent kəsildikdən sonra məktəb binasına baxış olub.
Sentyabrın 22-də Xal-xal Kənd mərkəzinin də açılışı olub.
Naxçıvan Muxtar Respublikası Ali Məclisinin Sədri Vasif Talıbov açılış tədbirində iştirak edib.
Naxçıvan Muxtar Respublikası Ali Məclisinin Sədri Vasif Talıbov çıxış edərək deyib: “Bu gün Xal-xal kəndinin həyatında əlamətdar gündür. Kənddə yeni sosial obyektlər tikilərək sakinlərin istifadəsinə verilir. Hər bir kəndin abadlaşması orada insanların rahat yaşamasına xidmət edir. Xal-xal kəndində çəkilən yeni yol, tikilən məktəb binası, kənd və xidmət mərkəzləri, kənd mərkəzində yerləşən feldşer-mama məntəqəsi, poçt bölməsi, baytarlıq məntəqəsi və digər xidmət sahələri əhaliyə daha yaxşı xidmət göstərilməsinə, eləcə də onların rahat yaşayışına imkan verəcəkdir”.
Ali Məclisin Sədri kənd sakinlərinin yaradılan şəraitdən səmərəli istifadə edəcəklərinə əminliyini bildirib, onları kənddə aparılan kompleks quruculuq işləri münasibətilə təbrik edib.
Sonra Ali Məclisin Sədri Kənd mərkəzinin açılışını edib.
Həmin gün Xal-xal kəndində yeni Xidmət mərkəzinin də açılışı olub.
Naxçıvan Muxtar Respublikası Ali Məclisinin Sədri Vasif Talıbov açılışı bildirən lenti kəsdikdən sonra Xidmət mərkəzinə baxıb.
Xidmət mərkəzi ilə tanışlıqdan sonra sakinlərlə görüş olub.
Ali Məclisin Sədri deyib ki, Xal-xal kəndi müasir yaşayış məntəqəsinə çevrilib. Zəhmətkeş insanları və bərəkətli torpaqları olan bu kənddə aparılan kompleks quruculuq tədbirləri insanların rahat yaşayışına imkan verəcəkdir. Sakinlər yaradılan şəraitdən istifadə etməli, kəndin abadlığı, təmizliyi qorunub saxlanılmalıdır. Ali Məclisin Sədri qarşıdan gələn Qurban bayramı münasibətilə sakinləri təbrik edib, onlara firavan həyat arzulayıb.
* * *
Kənddə aparılan abadlıq-quruculuq tədbirləri çərçivəsində 1100 metr yeraltı rabitə, 800 metr fiber-optik, 3 kilometrdən artıq elektrik xətti çəkilib. Həmçinin yeni tikililərə 680 metr uzunluğunda qaz xətti çəkilib, 200 metr məsafədə damcılı suvarma şəbəkəsi qurulub.