Bilik Fondunun nümayəndələri cəbhə bölgəsində əsgərlərlə görüşüblər

Bakı:

12 °C

94 %

3 m/s

Əlaqə

AZ RU EN

Ana səhifə / Sosial / Bilik Fondunun nümayəndələri cəbhə bölgəsində əsgərlərlə görüşüblər

Bilik Fondunun nümayəndələri cəbhə bölgəsində əsgərlərlə görüşüblər

15.07.2016 [09:56]

Prezident İlham Əliyevin “2016-cı ilin Azərbaycan Respublikasında “Multikulturalizm ili” elan edilməsinə dair Tədbirlər Planı”nın təsdiq edilməsi haqqında 2016-cı il 11 mart tarixli Sərəncamına əsasən, yerlərdə müxtəlif tədbirlər keçirilir, dövlət rəsmiləri bölgələrə səfər edirlər.
Azərbaycan Respublikasının millətlərarası, multikulturalizm və dini məsələlər üzrə Dövlət müşaviri, Bilik Fondunun Himayəçilik Şurasının üzvü, akademik Kamal Abdullayevin yaxın günlərdə Qarabağ və Gəncəbasar bölgələrinə etdiyi səfər zamanı yerli ziyalılar, din xadimləri və əsgərlərlə keçirdiyi görüşlərdə səslənmiş təkliflər və ideyalar Fondun İdarə heyətində müzakirə olunub və artıq həyata keçirilməyə başlanılıb.
Fonddan AZƏRTAC-a bildiriblər ki, iyulun 13-də Azərbaycan Respublikasının Prezidenti yanında Bilik Fondunun icraçı direktoru Oqtay Səmədov və qurumun nümayəndələri Tərtər rayonuna səfər çərçivəsində burada aparılan tikinti-quruculuq işləri ilə tanış olublar. Fondun nümayəndələri küçələrin abadlaşdırıldığının, milli qəhrəmanlarımıza barelyeflər qoyulduğunun, yeni kommunal xətlərin çəkildiyinin, aprel hadisələri zamanı işğalçı Ermənistan ordusunun dağıtdığı evlərin ölkə başçısının göstərişi ilə yenidən tikildiyinin, müasir standartlara cavab verən orijinal üslublu şahmat məktəbi binasının inşasında yekun işlərin aparıldığının, Tarix-Diyarşünaslıq Muzeyinin təməlqoyma prosesinin şahidi olublar. Vurğulanıb ki, Qarabağ bölgəsi üzrə Bilik Evinin açılması ilə bağlı yerli sakinlərin Fondun Tərtər rayonu üzrə nümayəndəsi Gülarə Əkbərovaya ünvanladıqları çoxlu sayda müraciətlər müsbət dəyərləndirilib, maarifləndirmə tədbirlərinin səmərəliliyinin artırılması üçün Tərtər Regional Bilik Evinə məkan ayrılıb.
O.Səmədov XIX əsrdə inşa olunan Cümə məscidinin axundu Sadiq Cəfərovla keçirdiyi görüşdə bildirib ki, Prezident İlham Əliyevin rəhbərliyi ilə dövlətimizin ərazisində yaşayan bütün xalqların dini dəyərlərinə yüksək qiymət verilir, dindarlara böyük qayğı göstərilir, dini ocaqların fəaliyyətinə geniş imkanlar yaradılır. Diqqətə çatdırılıb ki, məscid kitabxanalarını elmi, bədii, dini ədəbiyyatla zənginləşdirməklə yanaşı, müxtəlif bölgələrdən olan din xadimlərinin bir-biri ilə ünsiyyət qurmaları ideyasını reallaşdırmaq üçün sosial, mənəvi mövzularda “dəyirmi masa”ların təşkili nəzərdə tutulur.
Bilik Fondunun nümayəndələri, həmçinin Tərtərdə düşmənlə təmas xəttində yerləşən “N” saylı hərbi hissədə əsgər və zabitlərin qonağı olublar.
Əsgərlərə Ulu öndər Heydər Əliyevə, Prezident İlham Əliyevə həsr olunan kitablar, azərbaycanlı və xarici yazıçıların əsərləri hədiyyə edilib. O.Səmədov əsgərlərin hansı mövzuda, kimlərlə görüşmək istəklərini öyrəndikdən sonra yaxın günlərdə “İlboyu bilik” proqramı əsasında onların arzularının reallaşacağını deyib.
Hərbi hissəyə hədiyyə olunan kitablara görə minnətdarlığını bildirən əsgərlər mütaliənin onlara mənəvi güc verdiyini, xüsusilə qəhrəmanlıq dastanlarımızdan nümunə götürdüklərini vurğulayıblar.

Paylaş:

Baxılıb: 641 dəfə