Milli Qəhrəmanlara və onların ailə üzvlərinə dövlət tərəfindən yüksək diqqət və qayğı göstərilir

Bakı:

16 °C

72 %

10 m/s

Əlaqə

AZ RU EN

Ana səhifə / Sosial / Milli Qəhrəmanlara və onların ailə üzvlərinə dövlət tərəfindən yüksək diqqət və qayğı göstərilir

Milli Qəhrəmanlara və onların ailə üzvlərinə dövlət tərəfindən yüksək diqqət və qayğı göstərilir

14.10.2016 [10:15]

Prezident İlham Əliyevin Milli Qəhrəman adı verilmiş şəxslərin sosial müdafiəsinin gücləndirilməsi haqqında imzaladığı Fərman böyük minnətdarlıqla qarşılanıb
Dinamik inkişaf tempinə malik olan Azərbaycanda uğurlu və mütərəqqi sosial siyasət həyata keçirilir. Ümumiyyətlə, sosial siyasət həyatımızın bütün sahələrinə öz müsbət təsirini göstərməkdədir. Həyata keçirilmiş və yaxın gələcəkdə yerinə yetiriləcək tədbirlər respublikada əhalinin sosial vəziyyətinin getdikcə yaxşılaşması üçün əsaslı zəmin yaradır. Azərbaycanın modern dövlət quruculuğunda sosial siyasətin önəmli istiqamətlərindən biri də şəhid ailələrinin, Qarabağ müharibəsi veteranları və əlillərinin sosial müdafiəsidir.
Yeri gəlmişkən, bu günlərdə Prezident İlham Əliyevin Azərbaycanın Milli Qəhrəmanı adı verilmiş şəxslərin sosial müdafiəsinin gücləndirilməsi haqqında imzaladığı Fərman bu mənada xüsusi qeyd edilməlidir. Fərmana əsasən, Azərbaycan Respublikasının müstəqilliyi, ərazi bütövlüyü və tərəqqisi uğrunda mübarizədə yenilməz rəşadət və misilsiz vətənpərvərlik nümunəsi göstərərək Azərbaycanın Milli Qəhrəmanı adına layiq görülmüş şəxslərin və onların ailə üzvlərinin sosial müdafiəsini daha da gücləndirmək məqsədilə Azərbaycanın Milli Qəhrəmanı adı verilmiş hər bir şəxs üçün Azərbaycan Respublikası Prezidentinin təqaüdünün aylıq məbləği artırılaraq 1300 (min üç yüz) manat müəyyən edilib.
“Azərbaycan Qarabağ müharibəsi əlilləri, veteranları və şəhid ailələri” İctimai Birliyinin sədri Mehdi Mehdiyev qəzetimizə açıqlamasında qeyd edib ki, Azərbaycanın Milli Qəhrəmanı adı verilmiş hər bir şəxs üçün Azərbaycan Respublikası Prezidentinin təqaüdünün aylıq məbləğinin artırılaraq 1300 manata çatdırılması olduqca təqdirəlayiqdir. Bu Fərman respublikamızda Milli Qəhrəmanlara və onların ailə üzvlərinə dövlət tərəfindən göstərilən yüksək qayğının növbəti ifadəsidir. Onun sözlərinə görə, bu kateqoriyadan olanlar hər zaman yüksək dövlət qayğısı ilə əhatə olunublar: “Milli qəhrəmanlara, onların ailə üzvlərinə dövlət tərəfindən göstərilən diqqət və qayğının miqyası kifayət qədər böyükdür. Milli qəhrəmanların, müharibə əlilləri və şəhid ailələrinin mənzil-məişət şəraitinin yaxşılaşdırılması da daim diqqət mərkəzindədir. Azərbaycan ictimaiyyətinin nümayəndələri Prezident İlham Əliyev tərəfindən belə bir Fərmanın imzalanmasını təqdir edirlər”.
“Ümumiyyətlə, bu gün Azərbaycan dövlətinin öz vətəndaşlarına göstərdiyi diqqət və qayğı bütün cəmiyyətimiz, o cümlədən müharibə əlilləri və şəhid ailələri tərəfindən məmnunluqla qarşılanır. Dövlət başçısı İlham Əliyevin rəhbərliyi ilə həyata keçirilən siyasətin əsas istiqamətlərindən birini müharibə veteranlarının, əlillərinin, şəhid ailələrinin sosial müdafiəsinin gücləndirilməsi, onların problemlərinin vaxtında həllinə nail olunması, hər cür qayğı ilə əhatə olunması təşkil edir. Prezident İlham Əliyev tərəfindən bu istiqamətdə imzalanan Fərman və sərəncamlar çoxsaylı ailələrə böyük sevinc bəxş etməklə yanaşı, təqdirəlayiq hal kimi qiymətləndirilir”, - deyə M.Mehdiyev əlavə edib.
Onun sözlərinə görə, Qarabağ müharibəsi əlilləri, veteranları və şəhid ailələrinə göstərilən qayğı nümunəvi xarakter daşıyır: “Prezident İlham Əliyevin imzaladığı Fərman və sərəncamlar bu sahəyə göstərilən diqqətin bariz nümunəsidir. Müharibə əlilləri, veteranları və şəhid ailələrinin sosial ehtiyaclarının dövlət tərəfindən ödənilməsi, həmçinin Vətən uğrunda öz canından keçmiş şəhidlərin və Qarabağ müharibəsi əlillərinin övladlarının təhsil haqqından azad edilməsi, eyni zamanda, bu insanların mənzil və avtomobillərlə təmin olunması da çox müsbət haldır”.
Azərbaycan Respublikasının müstəqilliyi, ərazi bütövlüyü uğurunda şəhid olmuş Milli Qəhrəman Əsəd Əhmədovun anası Simuzər Əhmədova da qəzetimizə açıqlamasında deyib ki, dövlətimizin başçısı tərəfindən imzalanmış bu Fərman böyük ruh yüksəkliyi ilə qarşılanıb: “Çünki bu, şəxsən dövlətimizin başçısının, Azərbaycan dövlətinin Milli Qəhrəmanlara, onların ailələrinə diqqət və qayğısının göstəricisidir. Mən buna görə şəhid anası olaraq Azərbaycan Respublikasının Prezidenti cənab İlham Əliyevə təşəkkür edir, sonsuz minnətdarlığımı çatdırıram”.
Şəhid olmuş digər Milli Qəhrəman Eldar Məcidovun anası Cəmilə Məcidova da Milli Qəhrəmanlarımıza daim hörmət və ehtiram, qayğıkeş münasibət göstərildiyini, şəhid olmuş qəhrəmanlarımızın xatirəsinin yüksək tutularaq əbədiləşdirildiyini vurğulayıb. Onun sözlərinə görə, Azərbaycanın Milli Qəhrəmanı adı verilmiş hər bir şəxs üçün Azərbaycan Respublikası Prezidentinin təqaüdünün aylıq məbləğinin artırılması bunun bariz nümunəsidir: “Biz həmişə şəhid ailəsi kimi dövlətimizin başçısının yüksək diqqət və qayğısını üzərimizdə hiss etmişik. Məhz sonuncu Fərman da elə bu baxımdan çox böyük razılıq yaradıb. Milli qəhrəmanların ailələrinin sosial müdafiəsinin gücləndirilməsi üçün daimi işlər görülür. Bütün bunlara görə dövlətimizin başçısı cənab İlham Əliyevə dərin minnətdarlıq edirik”.
NURLAN

Paylaş:

Baxılıb: 618 dəfə