“Bakcell”in “AppLab” proqramı müsabiqəsinin qalibləri seçilib

Bakı:

28 °C

55 %

11 m/s

Əlaqə

AZ RU EN

Ana səhifə / Sosial / “Bakcell”in “AppLab” proqramı müsabiqəsinin qalibləri seçilib

“Bakcell”in “AppLab” proqramı müsabiqəsinin qalibləri seçilib

02.05.2017 [10:01]

Azərbaycanın ilk mobil operatoru və aparıcı mobil internet provayderi olan “Bakcell” şirkətinin bir müddət öncə özünün sürətləndirilmiş icra modeli olan “AppLab” proqramında iştirak üçün təşkil etdiyi seçim prosesinin nəticələri bəlli olub. Bu dəfə müsabiqəyə sahənin ən yaradıcı mobil tətbiq tərtibatçıları, 3D-çapı, “HTC Virtual Reallıq” proqram təminatı, innovativ proqram tərtibatçıları, elektron ticarət platformaları və informasiya texnologiyaları (İT) sahəsi üzrə digər mütəxəssislər qatılıblar. Aprelin 28-də “AppLab” mərkəzində “Bakcell” şirkəti ilə yeni seçilmiş komandalar arasında 6 aylıq müqavilələr imzalanıb.
“Bakcell” şirkəti istedadlarını dünyaya tanıtmaq və parlaq ideyaların reallaşdırılması üçün yeni maliyyə mənbələrinə çıxış əldə etmək istəyən startaplar, tərtibatçı və komandalar axtarışındadır. Bu layihə hər il proqram təminatı və müxtəlif cihaz yaradıcılarına öz ideyalarını təqdim etmək və “Bakcell” şirkətindən dəstək almaq imkanı verir. “Bakcell”in məqsədi startaplara dəstək olmaq, onların seçilməsi və inkişafına töhfə verməkdir. Biz inanırıq ki, yeni layihələrdə də yüksək nəticələr nümayiş etdirəcəklər”, - deyə “Bakcell”in baş icraçı direktoru Nikolai Bekers bildirib.
Xatırladaq ki, “Bakcell” şirkəti bu il proqramın qaydalarında bəzi dəyişikliklər edib. Xüsusilə proqramda iştirak müddəti layihədən asılı olaraq 3 aydan 6 ayadək uzadılıb. Bu il “AppLab” proqramında iştirak etmək üçün 20 layihə təqdim olunub və Seçim Komitəsi onlardan 7-ni qalib elan edib. Bunlar “Mango”, “Blutu”, “Garden”, “Buket.al”, “MoodMusic”, “ARZoom” və “CineManiac” layihələridir. Seçim prosesində əsas meyarlar layihəni təqdim edən komandanın malik olduğu bazar imkanları, təqdim edilən ideyanın nə dərəcədə innovativ olması, real yanaşma, biznes modelinin və komandanın sərgilədiyi təqdimatın nə dərəcədə aydın olması olub.
Qeyd edək ki, “AppLab” regional səviyyədə ideyaların, mobil tətbiqlərin və texnologiyaların pilot variantından istifadəyə buraxılan tam hazır varianta qədər çatdırılmasında seçilmiş developerlərə kömək etmək üçün nəzərdə tutulan sürətləndirilmiş icra modelidir. “Bakcell” mobil proqram tərtibatı və yayımı üçün developerləri vacib alətlərlə təmin etməklə yanaşı, “Wayra UK” şirkəti ilə əməkdaşlıq çərçivəsində yerli developerlər üçün öz ideyalarını təqdim edərək investisiyalar əldə etmək imkanı yaradır.
Səlim LOĞMANOĞLU

Paylaş:

Baxılıb: 565 dəfə