Mərkəzi Elmi Kitabxanada “Heydər Əliyev və mətbuat” mövzusunda lektoriya təşkil edilib

Bakı:

26 °C

54 %

3 m/s

Əlaqə

AZ RU EN

Ana səhifə / Sosial / Mərkəzi Elmi Kitabxanada “Heydər Əliyev və mətbuat” mövzusunda lektoriya təşkil edilib

Mərkəzi Elmi Kitabxanada “Heydər Əliyev və mətbuat” mövzusunda lektoriya təşkil edilib

16.07.2021 [08:48]

İyulun 15-də Azərbaycan Milli Elmlər Akademiyasının (AMEA) Mərkəzi Elmi Kitabxanasında (MEK) milli mətbuatımızın 146-cı ildönümü münasibətilə “Heydər Əliyev və mətbuat” mövzusunda lektoriya keçirilib.
AZƏRTAC xəbər verir ki, əvvəlcə tədbirdə şəhid jurnalistlərin xatirəsi bir dəqiqəlik sükutla yad edilib.
Tədbirdə MEK-in baş direktoru professor Məmməd Əliyev, AMEA-nın akademik Ziya Bünyadov adına Şərqşünaslıq İnstitutunun direktoru, akademik Gövhər Baxşəliyeva, Azərbaycan Mətbuat Şurasının sədri Əflatun Amaşov, “Yeni Azərbaycan” qəzetinin baş redaktoru, Milli Məclisin deputatı Hikmət Babaoğlu, Əməkdar jurnalistlər Aqil Abbas, Qulu Məhərrəmli, professorlar Vüqar Əhməd, Şəlalə Həsənova və digər çıxış edənlər görkəmli maarifçi Həsən bəy Zərdabinin naşirliyi ilə işıq üzü görən “Əkinçi” qəzetinin Azərbaycan mətbuat tarixinə şərəfli səhifələr yazdığını qeyd edib, ölkəmizdə söz, fikir və mətbuat azadlığının təmin olunmasında Ümummilli Lider Heydər Əliyevin müstəsna xidmətlərindən söz açıblar. Bildirilib ki, Ulu Öndər hər zaman jurnalistlərin dostu olub. Ümummilli Liderin siyasi hakimiyyətə qayıdışı ilə digər sahələrdə olduğu kimi, mətbuatın inkişafında da əsaslı dönüş yarandı. Müstəqillik dövründə Azərbaycan mətbuatı tam azad fəaliyyət göstərməyə başladı. Xüsusilə dahi rəhbərin “Azərbaycan Respublikasında söz, fikir və məlumat azadlığının təmin edilməsi sahəsində əlavə tədbirlər haqqında” 1998-ci il 6 avqust tarixli Fərmanı ölkədə demokratiyanın inkişafını sürətləndirən mühüm tədbirlərdən biri oldu.
Çıxışlarda Heydər Əliyev epoxasında milli mətbuatın inkişafı istiqamətində görülən işlərdən, mətbuatın maddi-texniki bazasının möhkəmləndirilməsi, eləcə də dövlət orqanları ilə mətbuat arasında səmərəli əməkdaşlığın inkişafı istiqamətində həyata keçirilən tədbirlərdən söz açılıb, bu sahədə imzalanan Fərman və sərəncamların Azərbaycan mətbuatına, azad sözə verilən böyük diqqətin göstəricisi olduğu vurğulanıb.
Qeyd edilib ki, fenomen şəxsiyyət Heydər Əliyevin səyi nəticəsində Azərbaycanda mətbuat orqanlarının azad fəaliyyəti və inkişafı yolunda süni maneələrin aradan qaldırılması, qanunvericilik bazasının təkmilləşdirilməsi, söz və mətbuat azadlığının təmin olunması ilə bağlı bir sıra beynəlxalq konvensiya və sazişlərə qoşulub. Bugünkü Azərbaycan mediası Heydər Əliyev ideyalarının məhsuludur və 44 günlük Vətən müharibəsi zamanı Prezident, Azərbaycan Silahlı Qüvvələrinin Ali Baş Komandanı İlham Əliyevin xarici mətbuata verdiyi müsahibələr Azərbaycan mediasını ikinci dəfə informasiya blokadasından çıxardı.
Sonda 22 iyul - Milli Mətbuat Günü və MEK-in elmi fəaliyyətini müntəzəm işıqlandırdıqlarına görə KİV-lərin nümayəndələrinə kitabxana tərəfindən təşəkkürnamə təqdim edilib.

Paylaş:

Baxılıb: 743 dəfə