Zəfərin yaratdığı Ağdam Şəhəri Gününü ruh yüksəkliyi ilə qeyd edirik

Bakı:

27 °C

65 %

3 m/s

Əlaqə

AZ RU EN

Ana səhifə / YAP xəbərləri / Zəfərin yaratdığı Ağdam Şəhəri Gününü ruh yüksəkliyi ilə qeyd edirik

Zəfərin yaratdığı Ağdam Şəhəri Gününü ruh yüksəkliyi ilə qeyd edirik

19.11.2024 [15:46]

Bayram Aslanov,

YAP İdarə Heyətinin üzvü, YAP Gəncə şəhər təşkilatının sədri

Bu gün Qalib Liderimiz, Prezidentimiz, Ali Baş Komandan İlham Əliyevin yürütdüyü uğurlu siyasətinin nəticəsində illərlə düşmən işğalında qalan torpaqlarımız gülə-gülüstana çevrildiyini görəndə ürəyimiz dağa dönür, qəlbimiz fəxrlə döyünür. Dünyanın harasında yaşamasından asılı olmayaraq hər bir azərbaycanlı başlarını dik tutur, vüqarla yaşayır. Azərbaycan xalqının əzmi, gücü, qətiyyəti sayəsində soydaşlarımızın düşmənin göz tikdiyi torpaqlarda əbədi olaraq firəvan yaşamaları şəhidlərimizin ruhu şad edir.

44 günlük Vətən müharibəsində Ali Baş Komandan, Prezident cənab İlham Əliyevin rəhbərliyi ilə rəşadətli ordumuz düşməni məğlub etdi. Haqq savaşına qalxan Azərbaycan xalqının Müzəffər Komandanının mükəmməl hərbi taktikası, uzaqgörən siyasəti sayəsində düşmənin mina tarlasına çevirdiyi torpaqlar, o cümlədən Ağdam azadlığına qovuşdu.

Qalib Lider İlham Əliyevin Birinci xanım Mehriban Əliyeva ilə birlikdə Ağdam şəhəri azad edildikdən cəmi 3 gün sonra, 2020-ci il noyabrın 23-də Ağdama yollanması, Ağdam Cümə məscidini ziyarət edərək məscidin önündən bütün işğaldan azad edilən torpaqların bərpa ediləcəyini əzm və qətiyyətlə bildirməsi sevincimizə sevinc qatdı, ürəyimizi dağa döndərdi.

Prezident cənab İlham Əliyevin göstərişi ilə işğaldan azad olunmuş digər rayonlar kimi erməni faşizminin xarabalığa çevirdiyi Ağdam da böyük quruculuq-bərpa işləri başladı. Artıq düşmənin “ruhlar şəhəri”, “Qafqazın Xirosiması”na çevirdiyi Ağdam gündən-günə dirçəlir, modern şəhərə çevrilir. 2021-ci il – Müstəqillik Günündə Ağdamın bərpasının başlanğıcı qoyulandan gündən ağdamlıların öz yurd-yuvalarına qayıtması üçün böyük layihələr həyata keçirilməyə başladı. Ölkə başçımız dəfələrlə qeyd edib ki, işğaldan azad olunmuş ərazilərdəki doğma kənd və şəhərlərinə qayıdan insanlar üçün ən yaxşı həyat şəraiti yaradılacaq. Çünki bu insanlar uzun illər məcburi köçkün həyatı yaşayaraq çətinliklərə dözmüş, yurd həsrəti çəkmişlər.

Ağdama səfərləri çərçivəsində Prezident İlham Əliyevin açılışını etdiyi müəssisələr və təməlini qoyduğu obyektlər, baş planına uyğun olaraq əhalinin səmərəli və yüksək həyat səviyyəsini təmin etmək məqsədilə müasir tələblərə cavab verəcək yaşayış məhəllələrinin salınması bu torpaqların yenidən dirçəlməsinin təsdiqidir. Azərbaycan xalqı əzmi, gücü, qətiyyəti sayəsində cəmi 44 günə işğal altında qalan tarixi torpaqlarını azad etdiyi kimi, indi də eyni qüdrəti nümayiş etdirərək, həmin yurdlara yenidən həyatı qaytarır.

Ölkə Prezidenti cənab İlham Əliyevin imzaladığı “Azərbaycan Respublikasının işğaldan azad edilmiş əraziləri üzrə şəhər günlərinin təsis edilməsi haqqında” Sərəncamına əsasən xalqımız 20 noyabr – Ağdam Şəhəri Gününü ruh yüksəkliyi ilə qeyd edir. 30 illik işğal dövründə öz yurdlarına dönmək həsrəti ilə yaşayan soydaşlarımız möhtəşəm quruculuq işlərinin həyata keçirildiyi Ağdamın gülüstana çevrildiyinin şahidi olurlar. Çəkilən yollar, salınan yaşayış massivləri, elektrik stansiyaları, məktəblər, xəstəxanalar, parklar dədə-baba yurdundan didərgin düşən yüz minlərlə soydaşımızın doğma oçaq həsrətinə məlhəm oldu.

Qəhrəman şəhidlərin müqəddəs qanı və Azərbaycan Silahlı Qüvvələrinin fədakarlığı hesabına qazanılan qələbədən sonra Qalib Liderin sərəncamları ilə qeyd etdiyimiz “Şəhər Günləri” eyni zamanda xalqımızın qürurunun, haqq-ədalət savaşından qalib kimi çıxmasının təsdiqidir.

Paylaş:

Baxılıb: 504 dəfə