Qazaxda “20 Yanvar – Müstəqilliyə gedən yolun başlanğıcıdır ” mövzusunda tədbir keçirildi

Bakı:

28 °C

57 %

4 m/s

Əlaqə

AZ RU EN

Ana səhifə / YAP xəbərləri / Qazaxda “20 Yanvar – Müstəqilliyə gedən yolun başlanğıcıdır ” mövzusunda tədbir keçirildi

Qazaxda “20 Yanvar – Müstəqilliyə gedən yolun başlanğıcıdır ” mövzusunda tədbir keçirildi

17.01.2025 [15:00]

17 yanvar 2025-ci il tarixdə YAP Qazax rayon təşkilatı və Qazax rayon İcra Hakimiyyətinin birgə təşkilatçılığı ilə 20 Yanvar faciəsinin 35 - ci ildönümünə həsr olunmuş “20 Yanvar – Müstəqilliyə gedən yolun başlanğıcıdır ” mövzusunda tədbir keçirildi.

Tədbir Ulu Öndər Heydər Əliyevin büstünün ziyarəti ilə başladı.

Əvvəlcə Ümummilli Lider Heydər Əliyevin və şəhidlərin əziz xatirəsi bir dəqiqəlik sükutla yad edildi.

Qazax rayon İcra Hakimiyyətinin Başçısı Rəcəb Babaşov giriş nitqi ilə çıxış edərək bildirdi ki, 20 Yanvar faciəsi müdrik xalqımız üçün təkcə böyük bir faciə deyil, həm də şərəfli bir səhifədir, müstəqillik və istiqlal uğrunda xalqımızın apardığı milli azadlıq hərəkatının zirvə nöqtəsidir. Rayon İcra Hakimiyyətinin Başçısı 20 Yanvar faciəsinin başvermə səbəblərindən, Ulu Öndər Heydər Əliyevin bu faciənin dünya ictimaiyyətinə çatdırılmasında, ona hüquqi - siyasi qiymət verilməsində misilsiz xidmətlərindən, Möhtərəm Prezident İlham Əliyev cənabları tərəfindən bu gün faciə, soyqırım, qətliam qurbanlarına, müqəddəs şəhidlərə göstərilən diqqət və qayğıdan ətraflı bəhs etdi. R.Babaşov rayon sakinlərinin tezliklə işğal altında olan üç kəndimizə də qovuşacağını qeyd edərək, bu yönümdə Möhtərəm Prezidentimizin rəhbərliyi ilə ciddi və prinsipial addımlar atıldığını bildirdi. Sonda rayon İcra Hakimiyyətinin Başçısı bütün şəhidlərə, faciə qurbanlarına rəhmət dilədi.

Artıq 20 Yanvar faciəsindən 35 il ötdüyünü bildirən YAP Qazax rayon təşkilatının sədri Anar Nəbiyev çıxış edərək bu faciənin müdrik Azərbaycan xalqının öz azadlığı və müstəqilliyi yolunda atdığı bir qəhrəmanlıq , milli qürur günü olduğunu vurğuladı. Rayon təşkilatının sədri müdrik xalqımızın başına gətirilən bu faciənin Müstəqilliyə gedən yolun başlanğıcı, dövlətçilik tariximizin qanlı və şanlı səhifəsi olduğunu qeyd etdi. A.Nəbiyev bu gün Möhtərəm Prezident, Müzəffər Ali Baş Komandan İlham Əliyev cənablarının rəhbərliyi altında ölkəmizin zaman – zaman öz istəklərinə, öz hədəflərinə çatdığını bildirdi. Rayon təşkilatının sədri müstəqil, suveren Azərbaycanın güclü iqtisadiyyata, müstəqil siyasətə, qüdrətli orduya və dünya şöhrətli Liderə malik olduğunu xüsusi qeyd edərək, əldə olunan uğurlardan, qələbələrdən də geniş bəhs etdi. A.Nəbiyev bütün şəhidlərin və faciə qurbanlarının qanının yerdə qalmadığını, onların qisasının artıqlaması ilə alındığını bildirdi və onlara rəhmət dilədi.

Tədbirdə partiya veteranlarından Məmməd Yusifov, Gülnaz Alişanova, Cavanşir Rüstəm, şəhid atası Müqabil Məmmədov, gənc partiya fəalı Sücayət Mahmudova çıxış edərək 20 Yanvar faciəsi ilə bağlı fikirlərini bölüşdülər.

Sonda Qazax şəhər 2 saylı tam orta məktəbin şagirdləri müxtəlif ədəbi – bədii kompozisiya ilə çıxış etdilər.

Paylaş:

Baxılıb: 562 dəfə