Prezidenti “Euronews” televiziyasına müsahibəsi Azərbaycanın dünya arenasındakı rolu və strateji hədəfləri ön plana çıxardı

Bakı:

27 °C

74 %

4 m/s

AZ RU EN

Ana səhifə / YAP xəbərləri / Prezidenti “Euronews” televiziyasına müsahibəsi Azərbaycanın dünya arenasındakı rolu və strateji hədəfləri ön plana çıxardı

Prezidenti “Euronews” televiziyasına müsahibəsi Azərbaycanın dünya arenasındakı rolu və strateji hədəfləri ön plana çıxardı

18.03.2025 [23:10]

İlqar İlyasov,

YAP Laçın rayon təşkilatının sədri

Azərbaycan Respublikasının Prezidenti cənab İlham Əliyev, 2025-ci ilin mart ayında, beynəlxalq “Euronews” televiziyasına verdiyi müsahibəsində qlobal dəyişikliklər, ölkəmizin xarici siyasətə yanaşması, həmçinin beynəlxalq əlaqələr və mövcud geosiyasi vəziyyət haqqında geniş məlumatlar təqdim edib. Müsahibədə Prezidentin qlobal dəyişikliklərə dair fikirləri, Azərbaycanın dünya arenasındakı rolu və strateji hədəfləri ön plana çıxıb. Prezident İlham Əliyev qeyd edib ki, dünyada qlobal dəyişikliklər hələ yeni başlayıb və bu dəyişikliklər, mövcud siyasi və iqtisadi quruluşları yenidən formalaşdıracaq. Prezident, xüsusilə Avropadakı enerji böhranı, geosiyasi gərginliklər və texnoloji inqilabların yeni dünya nizamına təsirindən bəhs edib. Bu dəyişikliklərin yalnız siyasi məsələlərlə bağlı deyil, həm də iqtisadiyyat, enerji resursları, beynəlxalq ticarət və texnologiya sahələrindəki yeniliklərlə əlaqədar olduğunu bildirib: “Qlobal dəyişikliklər artıq özünü göstərir, lakin bu proses hələ başlanğıc mərhələsindədir. Bütün dünya bu dəyişikliklərə hazır olmalıdır. Azərbaycan da bu dəyişikliklərə uyğun olaraq öz strategiyasını və xarici siyasətini yeniləyir,” – deyə İlham Əliyev qeyd edib. Prezidentin müsahibəsində Azərbaycanın enerji siyasətinə xüsusi diqqət yetirilib, həmçinin Azərbaycanın Avropaya enerji ixracı sahəsindəki mühüm roluna toxunulub. Azərbaycanın enerji təhlükəsizliyi sahəsində beynəlxalq tərəfdaşları ilə əməkdaşlığını genişləndirmək və yeni enerji layihələri ilə qlobal bazara daha çox inteqrasiya etmək niyyətində olduğunu vurğulayıb. “Azərbaycan Avropanın enerji təhlükəsizliyinin təmin edilməsində mühüm rol oynamağa davam edəcək. Bu məqsədlə həm karbohidrogenlər, həm də bərpa olunan enerji mənbələri üzərindəki layihələrimizi inkişaf etdiririk,” – Prezident Əliyev bildirib. Dövlətlər yaranandan indiyə qədər beynəlxalq əlaqələr və diplomatiya dövlətlər arasında əlaqələri yaradan vasitə kimi əhəmiyyət kəsb edib. İlham Əliyev müsahibədə, Azərbaycanın beynəlxalq əlaqələrinə və diplomatik strategiyasına da toxunub. Prezident, ölkəsinin çoxvektorlu xarici siyasətini davam etdirdiyini və bunun beynəlxalq arenada Azərbaycanın nüfuzunu artırdığını qeyd edib. Xüsusilə, Azərbaycanın Avropa, Asiya və Amerika ölkələri ilə qarşılıqlı faydalı əməkdaşlıqlarını genişləndirməsi, regiondakı və qlobal miqyasda sabitlik və inkişafın təmin olunmasına yönəlik atılan addımlar barədə danışıb. Azərbaycanın digər ölkələrlə olan regional münasibətlərini diqqətlə izlədiyini və bu əlaqələrin dərinləşdirilməsinə davam edəcəyini vurğulayıb. Prezident, həmçinin Azərbaycanın beynəlxalq təşkilatlar, o cümlədən BMT, ATƏT və Şanxay Əməkdaşlıq Təşkilatında fəal iştirakı barədə danışıb və Azərbaycan üçün müstəqil və öz maraqlarına uyğun siyasətin vacibliyini qeyd edib. Müsahibə zamanı Prezident İlham Əliyev, Azərbaycanın iqtisadi inkişafı və rəqəmsal transformasiya sahəsindəki nailiyyətlərini də qeyd edib. Bildirilib ki. Azərbaycan hökuməti, son illər ərzində iqtisadiyyatın diversifikasiyası, qeyri-neft sektorunun inkişafı və rəqəmsal texnologiyaların tətbiqi istiqamətində mühüm addımlar atıb. Prezident, Azərbaycanın bu sahədəki inkişafını qlobal dəyişikliklərə uyğunlaşdırmaq məqsədilə ölkədə qabaqcıl texnologiyaların tətbiqini və infrastruktur layihələrini genişləndirildiyini vurğulayıb: “Biz rəqəmsal iqtisadiyyatın inkişafına böyük önəm veririk və bu sahədə müasir texnologiyaları tətbiq edirik. Azərbaycan yaxın gələcəkdə rəqəmsal infrastruktur sahəsində regionda lider ölkələrdən biri olacaq,” – deyə İlham Əliyev qeyd edib. Prezident İlham Əliyev, Azərbaycanın regionda sülh və sabitliyin təmin edilməsinə yönəlik diplomatik təşəbbüslərini də diqqətə çatdırıb. O, ölkəmizin regiondakı təhlükəsizlik məsələlərində fəal iştirak etdiyini və bu sahədə digər ölkələrlə əməkdaşlıq etdiyini bildirib. İlham Əliyev, Azərbaycan ərazisindəki münaqişələrin həlli və regionda daha geniş sabitlik üçün müvafiq addımların atılmasında davam edəcəyini vurğulayıb. İlham Əliyev, təhsil və insan kapitalının inkişafının Azərbaycan hökumətinin prioritetlərindən biri olduğunu qeyd edib. O, ölkənin gələcəyinin müasir və qabaqcıl təhsil sistemindən asılı olduğunu vurğulayıb. Dövlətin bu istiqamətdəki islahatları və layihələri barədə məlumat verən Prezident, həmçinin Azərbaycanın gənclərinin beynəlxalq səviyyədə daha çox təhsil almasının təşviq olunduğunu bildirib. “Biz, yalnız iqtisadi inkişafı deyil, həm də insan kapitalının inkişafını təmin etmək üçün geniş tədbirlər həyata keçiririk. Azərbaycanlı gənclər artıq dünyanın ən nüfuzlu universitetlərində təhsil alır və ölkəmizin inkişafına töhfə verirlər” – deyə İlham Əliyev vurğulayıb. Prezident İlham Əliyev müsahibədə Azərbaycanın lideri, Müzəffər Ali Baş Komandan kimi dövlətimizin qüdrətini ifadə etməklə yanaşı, həm də qlobal siyasi proseslərin mükəmməl bilicisi kimi dünyaya ən gerçək diplomatik reallığı anlatdı. Müsahibə dünyaya dövlətimizin və onun liderinin gücünün açıq göstərdi.

Paylaş:

Baxılıb: 481 dəfə