Böyük uğur hekayəti - Cənub Qaz Dəhlizi

Bakı:

18 °C

68 %

3 m/s

Əlaqə

AZ RU EN

Ana səhifə / YAP xəbərləri / Böyük uğur hekayəti - Cənub Qaz Dəhlizi

Böyük uğur hekayəti - Cənub Qaz Dəhlizi

07.04.2025 [15:29]

Anar Şahmuradov,

YAP Ağdaş rayon təşkilatının ideoloji işlər üzrə məsləhətçisi

Pan-Avropa qaz təchizatçısı olan ölkəmizin təchizat coğrafiyası davamlı olaraq genişlənir. Hazırda Azərbaycanın təbii qazı 12 ölkəyə çatdırılır. Onlardan 10-u Avropa ölkəsidir və 8-i isə Avropa İttifaqının üzvüdür. Ölkəmiz investor kimi bəzi Avropa ölkələrinin qazpaylama şəbəkəsinin yaradılmasında iştirak edir ki, bu da qaz təchizatı coğrafiyasının birmənalı olaraq genişlənəcəyi deməkdir.

Cənub Qaz Dəhlizi Məşvərət Şurası çərçivəsində nazirlərin 11-ci və Yaşıl Enerji Məşvərət Şurası çərçivəsində nazirlərin 3-cü iclasları zamanı Prezident İlham Əliyev çıxışında vurğuladı ki, qaz təchizatımızın coğrafiyası birmənalı olaraq müxtəlif yollarla, o cümlədən interkonnektorlar vasitəsilə genişlənəcək.

Bir çox ölkələrin enerji təhlükəsizliyi üçün əsas arteriya rolunu oynayan 3500 kilometrlik inteqrasiya edilmiş boru kəməri sistemi olan Cənub Qaz Dəhlizi hazırda tam gücü ilə işləyir. Cənub Qaz Dəhlizini böyük uğur hekayəti adlandıran ölkə başçısı mövcud qaz boru kəməri sisteminin genişləndirilməsində birgə səylərin vacibliyini xüsusilə qeyd etdi. Prezident İlham Əliyev faydalı qazıntı layihələrinin maliyyələşdirilməsini dayandırmaq qərarını qəbul etmiş beynəlxalq maliyyə təsisatlarının böyük geosiyasi dəyişikliklər fonunda öz siyasətinə yenidən baxmalı olduqlarını da tədbir iştirakçılarının diqqətinə çatdırdı. Əks halda problemlər qaçılmaz olacaq.

Ölkəmizin yaşıl gündəliyi haqqında fikir bildirərkən ölkə başçısı Günəş və Külək Enerji stansiyalarına aid imzalanmış müqavilələrin 2030-cu ilə qədər 6 giqavat günəş və külək enerjisi təmin edəcəyini diqqətə çatdırdı. Nəticədə daxildə bu gün elektrik enerjisinin istehsalında istifadə edilən təbii qaza xeyli dərəcə qənaət etmək imkanı yaranacaq və həmin qaz ixraca yönəldiləcək. Azərbaycan öz sərmayəsi ilə fəal şəkildə inkişaf edir. Belə ki, Ermənistanın işğalından azad edilmiş Şərqi Zəngəzur və Qarabağ ərazilərində 270 meqavatlıq su elektrik stansiyaları qurulub. 30-dan çox kiçik su elektrik stansiyası istismara verilib və növbəti beş ildə bu rəqəm əlavə 30 kiçik su elektrik stansiyası ilə 500 meqavata çatdırılacaq. Beləliklə, nəticədə 2030-cu ilə qədər 6.5 giqavatlıq enerji potensialı yaranacaq.

Cənub Qaz Dəhlizi Məşvərət Şurası çərçivəsində nazirlərin 11-ci və Yaşıl Enerji Məşvərət Şurası çərçivəsində nazirlərin 3-cü iclasları zamanı Prezident İlham Əliyev qeyd etdi ki, bu gün Azərbaycanın yaradılmış imkanları 8 giqavatdan çoxdur və növbəti beş il ərzində bərpaolunan mənbələrdən enerji istehsalı potensialı demək olar ki, iki dəfə artacaq.

Paylaş:

Baxılıb: 377 dəfə