Xocavənd rayonunda akademik Zərifə Əliyevanın anadan olmasının 102-ci ildönümünə həsr olunmuş tədbir keçirilib

Bakı:

21 °C

56 %

1 m/s

AZ RU EN

Ana səhifə / YAP xəbərləri / Xocavənd rayonunda akademik Zərifə Əliyevanın anadan olmasının 102-ci ildönümünə həsr olunmuş tədbir keçirilib

Xocavənd rayonunda akademik Zərifə Əliyevanın anadan olmasının 102-ci ildönümünə həsr olunmuş tədbir keçirilib

29.04.2025 [17:14]

Aprelin 28-da YAP Xocavənd Rayon Təşkilatı, Xocavənd Rayon İcra Hakimiyyəti və "Xocavənd Mərkəzi Rayon Xəstəxanası" Publik Hüquqi Şəxsin birgə təşkilatçılığı ilə görkəmli oftalmoloq-alim, akademik Zərifə Əliyevanın anadan olmasının 102-ci illiyinə həsr edilmiş tədbir keçirildi. Tədbir iştirakçıları öncə Ulu öndər Heydər Əliyevin abidəsi önünə gül qoyaraq əziz xatirəsini yad etdilər. Zərifə xanım Əliyevanın həyat və fəaliyyəti, Ulu öndər Heydər Əliyevə, həmçinin tibb, dövlətçilik tarixi, Vətən müharibəsində qazanılmış Zəfərə həsr edilmiş kitabların sərgisi ilə tanışlıqdan sonra tədbir Mədəniyyət evində davam etdi. Tədbirdə müasir müstəqil Azərbaycan dövlətinin qurucusu, dahi şəxsiyyət Heydər Əliyevin, akademik Zərifə Əliyevanın və torpaqlarımızın azadlığı uğrunda şəhid olan Vətən oğullarının xatirəsi bir dəqiqəlik sükutla yad edildi. Daha sonra Zərifə Əliyevanın həyat və elmi yaradıcılığından bəhs edən videoçarx nümayiş etdirilib.

Tədbirdə çıxış edənlər bildiriblər ki, görkəmli oftalmoloq Zərifə xanım Əliyeva vaxtilə Azərbaycanda geniş yayılmış traxoma, peşə fəaliyyəti ilə bağlı yaranan göz xəstəliklərinin öyrənilməsi, profilaktikası və müalicəsi, habelə oftalmologiyanın problemlərinə dair bir çox sanballı tədqiqatların müəllifidir. Zərifə Əliyeva ümumilikdə 200-ə qədər elmi işin, 14 monoqrafiyanın və 12 səmərələşdirici təkliflərin müəllifidir. Tanınmış alim yüksəkixtisaslı səhiyyə kadrlarının hazırlanmasına da böyük töhfələr verib. Zərifə Əliyeva oftalmologiya sahəsində ən yüksək mükafata – SSRİ Tibb Elmləri Akademiyasının akademik M.İ.Averbax adına mükafatına layiq görülən ilk qadındır. Onun həyat ideyaları və şəxsiyyəti bu gün də müasir Azərbaycan gəncliyi üçün əsl nümunədir. Azərbaycan xalqına xas nəcib keyfiyyətlər, ali dəyərlər Zərifə Əliyevanın şəxsiyyətində cəmləşmişdi. İnsanlara nur bəxş edən, qayğıkeşliyi, nəcibliyi ilə xatirələrdə əbədi yaşayan Zərifə Əliyeva nümunəvi həyat yolu keçib.

Tədbirin sonunda Xocavənd rayon Mərkəzi Xəstəxana Publik Hüquqi Şəxsin direktoru Yaşar Mayıl oğlu Əhmədov Yeni Azərbaycan Partiyasının fəal üzvü olaraq, partiya dəyərlərinin təbliğində və ictimai proseslərdə aktiv iştirak etdiyi üçün təşəkkürnamə ilə təltif edilib. Həmçinin, YAP sıralarına yeni qəbul olunmuş üzvlərə partiya vəsiqələri təqdim olunub.

Paylaş:

Baxılıb: 382 dəfə